Ribadeo, 23 de setembro de 2016. O vindeiro domingo, 25 de setembro, terá lugar a XIV Feira da Horta, que organizan o Concello e a asociación A Sucadoira. Deste xeito remata a tempada estival dos Mercados dos Domingos, que se celebran de xuño a setembro para potenciar o consumo dos produtos de proximidade e locais. Este domingo haberá venda destes produtos da terra e unha degustación gastronómica. A xornada estará amenizada pola música das gaitas.
A concelleira de Desenvolvemento Local, Turismo e Comercio, Ana Martínez, dixo que “ao remate de setembro, como cada ano en Ribadeo, poñemos fin á tempada dos Mercados dos Domingos. Facémolo coa Feira do Horta organizada pola asociación de produtores e produtoras de horta A Sucadoira e polo Concello”.
A edil ribadense lembrou que “cada domingo durante o verán as produtoras e produtores locais presentan para a venda o mellor da nosa horta, que ademais conxugado coa produción artesá de coitelos, navallas, embutidos, conservas, queixos e mesmo a degustación e a compra de ostras alí, no Mercado dos Domingos, eu penso que conforman un dos mellores mercados de produtos de proximidade de toda a contorna. Isto reforza evidentemente a economía local, porque cando se aposta polo noso, polo próximo, estamos facéndonos máis fortes como territorio e tamén como sociedade”.
Martíñez dixo que “coñecer e saborear os nosos produtos fainos coñecedores do territorio. Saber que temos un pemento como por exemplo o de Piñeira, non só polo nome senón porque é un dos mellores de Galicia en calidade pola súa carnosidade e o seu sabor e as propias condicións organolépticas deste pemento. O mesmo poderíamos dicir da cebola de Vilaselán. Igual que se coñece o pemento de Padrón ou o de Herbón nós aquí tamén temos unha marca propia. E eu creo que debemos empezar a pedir e a preguntar polo pemento de Piñeira, o noso”.
Sobre a cita do vindeiro domingo a concelleira de Desenvolvemento Local contou que “nesta xornada do domingo durante a Feira da Horta de Ribadeo teremos a oportunidade de degustar todos estes produtos nun pincheo que se vai ofrecer por parte dos produtores e produtoras xunto co Concello diante da explanada da praza de abastos, onde normalmente se celebra o Mercado dos Domingos. E poderemos degustar empanadas con produtos de horta, verduras ao forno, etcétera, todo elo acompañado por música de gaitas”.
Ana Martínez cre que “como broche final é algo magnífico, non soamente o poder mercar senón tamén saborear estes produtos que durante todo o verán estiveron á venda, ofrecéndonos o mellor da horta de Ribadeo a todos os que alí acudimos durante todos estes domingos a mercar estes produtos. Polo tanto convido a todas e a todos a vir este domingo a pasar a mañá a Ribadeo e a gozar na Feira da Horta na súa décimo cuarta edición”.
E desde a asociación de produtoras e produtores A Sucadoira a súa presidenta, Ana Díaz, tamén animou a participar nesta cita: “que todos os que poidan se acheguen a Ribadeo o domingo pola mañá, os mellores produtos da nosa terra van estar alí á venda e tamén se poderán degustar despois preparados de diferentes maneiras. Temos uns produtos excelentes como pementos, cebolas, tomates… con esta Feira da Horta rematan os Mercados dos Domingos ata o ano que ven. É unha boa ocasión para vir a Ribadeo, a mercar e a saborear os produtos da nosa horta”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
