Lugo, 23 de setembro de 2016.- O cabeza de lista do Partido Popular pola provincia de Lugo ao Parlamento de Galicia, Francisco Conde, pechou hoxe a campaña na Mariña, con varios mitins celebrados nos concellos de Trabada, Lourenzá e Mondoñedo.
Conde estivo acompañado pola presidenta do Partido Popular de Lugo, Elena Candia, e o candidato e coordinador comarcal da Mariña, José Manuel Balseiro. O cabeza de lista salientou, diante da gran multitude de público que os arroupou nas intervencións, que esta foi unha campaña “moi positiva, de cercanía e con moito contacto cos colectivos e cos sectores produtivos. Unha campaña de contacto cos veciños, coa cidadanía e coas entidades sen ánimo de lucro. En definitiva, unha campaña de cercanía con Galicia”.
Conde destacou que “pasado mañá toca converter todo ese esforzo nunha vitoria que garanta a Galicia a estabilidade que necesita, e a afaste o máis posible do populismo”. O cabeza de lista advertiu contra a posibilidade de “malgastar o voto en partidos pequenos que ao final só serven de axuda para que o multipartito goberne; a eses votantes, e aos moderados socialistas que non queren entregarlle Galicia ao populismo, lles pido hoxe o seu voto”.
“Este partido se gana o domingo e está moi igualado, ¡hai que saír a votar sí o sí! Pídovos un último esforzo, porque o domingo Galicia merece unha maioría que permita a Alberto Núñez Feijóo gobernar con estabilidade a partir do día 26”, subliñou.
Os populares recordaron ademais o compromiso do candidato do PPdeG cos galegos e galegas, fronte ao resto de alternativas que non presentan un programa claro e non teñen demostrado que teñan ningunha visión de Galicia. “O PP ten demostrado que Alberto Núñez Feijóo é o único que pode ofrecer unha estabilidade e pode propor un goberno cunha visión de Galicia e cun programa claro para todos os galegos e as galegas”.
“Núñez Feijóo é sinónimo dun goberno de estabilidade, que xera confianza: é o único candidato que pode evitar ese bloqueo sistemático ao que nos poderíamos ver abocados aquí en Galicia cun goberno multipartito, como o que agora mesmo temos en Madrid”, recordaron.
Si a Núñez Feijóo, si a Galicia
“En definitiva, o PP trae un programa cunha aposta real por Galicia, un si a Alberto Núñez Feijóo é un si a Galicia”, apuntaron. “O PP trae un goberno que poida dar resposta aos galegos e galegas, que xere confianza e sobre todo que centre as súas políticas na xeración de emprego e na mellora da sanidade, da educación pública, das infraestruturas e, en definitiva, na mellora do benestar e da calidade de vida de Galicia e dos galegos. Esta é a proposta de Núñez Feijóo, o día 25 temos que falar todos en clave de Galicia e falar en clave de Galicia é facer unha proposta por un goberno estable, un goberno que xere certeza e sobre todo un goberno para todos os galegos con respostas concretas para os problemas e os retos que temos todos e todas por diante”, concluíron.
Visita á empresa Migamad, de Paradela
O cabeza de lista do Partido Popular pola provincia de Lugo, Francisco Conde, visitou tamén hoxe as instalacións da empresa Migamad, en Paradela, onde recordou o compromiso do goberno de Núñez Feijóo coas Pemes galegas.
Conde salientou que esta empresa, que fabrica e comercializa bandexas especiais para as industrias de prefabricados de formigón, naceu cunhas instalacións de preto de 1.500 metros cadrados en Portomarín, e hoxe en día xa suma 40.000 metros cadrados en Paradela. “Un crecemento que veu acompañado dunha constante expansión nacional e global”, destacou.
O popular puxo de manifesto “o compromiso da compañía coa innovación como ferramenta para gañar a competitividade necesaria para internacionalizarse”. E neste senso, o cabeza de lista apuntou que o seu fundador, Miguel Gallego, “é exemplo das Pemes galegas que teñen sabido apostar pola I+D+i para sumar novos mercados”.
“Este investimento en automatizar a fábrica de Migamad”, dixo Conde, “tenlle ten permitido gañar máis clientes ata estar presente hoxe en 42 mercados de Europa, América, Asia, África e Oriente Próximo”.
“Deste xeito a empresa Migamad contribúe, ao igual que o resto das empresas da provincia, á boa marcha das exportacións galegas, que veñen de bater no 2015 o seu récord histórico, e que neste ano 2016 están a medrar incluso por riba desas cifras”, salientou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
