Ribadeo, 24 de setembro de 2016. O concelleiro de Limpeza Viaria e Xestión de Residuos, Jorge Díaz Freije, pide a colaboración da cidadanía e sobre todo dos establecementos de hostalería para depositar o cartón nos colectores habilitados para este fin, xa que hai preto de 40 instalados na vila.
O edil ribadense lamenta que “teñamos que ver imaxes como as rexistradas hai uns días nalgunha zona de Ribadeo con ducias de caixas acumuladas a carón dun contedor de cartón, que case estaba baleiro”. Díaz Freije lembra que “contamos preto de 40 contedores de cartón e papel colocados ao longo e ancho de toda a vila. E o Concello recolle o cartón porta a porta os martes e os xoves polas tardes, unha medida da que se benefician o pequeno e o mediano comercio. Está claro que as grandes superficies comerciais ou as grandes tendas teñen que desfacerse do cartón que xeran, tal e como recolle a lei correspondente”.
A recollida do cartón que se deposita nos colectores realízase os luns e os venres.
O concelleiro de Limpeza Viaria e Xestión de Residuos pide colaboración á veciñanza, ao comercio e tamén ao sector hostaleiro: “Ribadeo dispón de contedores verdes e amarelos, de recipientes para o vidro e para o cartón, de aí que lles pidamos a todos que fagan uso deles para gozar dun Ribadeo o máis limpo posible”. Jorge Díaz Freije asegura que “a Policía Local está a realizar informes de todas incidencias que está a atopar na rúa, incidencias coma a de deixar o cartón fora do contedor habilitado para este fin. E despois de ver eses informes haberá que pasar aos feitos, que son as sancións económicas. Non nos gustaría ter que chegar a ese extremo, pero si é necesario haberá que facelo, ao igual que cos donos das mascotas que seguen a deixar as súas deposicións en lugares públicos, ao aqueles que pasean con eles sen levalos atados”.
Jorge Díaz Freije lembra que “o Concello conta cun servizo de recollida de enseres, previa solicitude. Ten un pequeno custe porque desprazamos un camión e tamén persoal. Esta tarefa realízase o primeiro e o último martes de cada mes. Hai que insistir en que estas cousas non se poden deixar tiradas na rúa en calquera lugar, hai que avisar ao Concello e despois xa se pasa a retirar ese material. Estamos fartos de ver sillas, sofás, colchóns… tirados ao lado dos contedores de lixo e iso non pode ser. O que ten que facer a veciñanza é chamar ao Concello para que vaian recoller ese material ou que o leven directamente ao punto limpo. Neste último caso sen custe para o usuario”.
O edil engadiu que “todo o facemos polo ben de Ribadeo e da súa veciñanza” e tivo palabras de agradecemento “para todas as persoas que se comportan de xeito cívico tirando o lixo, os envases, o vidro e o cartón nos contedores instalados para iso e que acoden ao punto limpo a levar os enseres en lugar de deixalos tirados na rúa ou chaman ao Concello para que pasen recollelos. O único que queremos é un Ribadeo limpo, o máis limpo posible”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
