O CD Burela FS Pescados Rubén non puido dar continuidade este sábado ao bo inicio ligueiro. A fortaleza de Vista Alegre non puido arrebatarlle a vitoria ao AD Alcorcón (1-3) malia conseguir poñerse por diante nos compases iniciais. Axiña chegou a igualada das amarelas, que souberon aproveitar as súas oportunidades e tomar vantaxe de 1-3 antes do descanso. A aposta mariñá de porteira xogadora desde a recta final da primeira parte ata a bucina final non obtivo recompensa no luminoso.
Tres tentativas necesitou R. Betim, no seu debut de laranxa, para perforar a meta de Belén de Uña; a brasileira inaugurou o marcador no minuto 5 nun potente disparo de lonxe tras saque de esquina. Con todo, os méritos burelistas axiña se viron empañados pola igualada madrileña, nas zapatillas de Vadillos que foi máis rápida que Elvira aproveitando un balón morto na área mariñá. Outra das caras novas burelistas, Ana Romero -que foi cobrando protagonismo co paso dos minutos-, mostrou unha gran solidez baixo os paus; no ecuador da primeira parte saíu vitoriosa do perigosísimo man a man con Vane Sotelo. Con todo, nada puido facer a murciana tan só dous minutos despois ante a 19 de Alcorcón, que anotou o 1-2 a pase de Clara desde banda oposta. O terceiro das madrileñas chegou no 14 cando Anita Luján, ao bordo da liña de meta, cazou un disparo de falta directa en pugna con Ana Romero. As pupilas de Lucas e Julio Delgado apostaron por xogo de cinco nos últimos tres minutos, lideradas por Bea Mateos; Dany, que buscou a Betim sen éxito ao bordo do pau no 19, e Cilene, a 7 segundos para a bucina, protagonizaron as mellores ocasións das locais.
No segundo acto, a posesión do Pescados Rubén volveu ter a Bea Mateos como baluarte de cinco. Cilene e R. Betim dispuxeron de dous canonazos no minuto 23 apresados pola habilidosa Belén de Uña. A gardameta laranxa tamén tivo traballo; no 26 Desiree puxo moito perigo nun disparo que finalmente se foi desviado e no 28 a 12 burelista foi a encargada de salvar as da Mariña ante a tentativa de Vane Sotelo. Cumpriuse o minuto 30 con asedio das burelistas sobre a impasible Belén fronte a Cilene e Betim. O cadro de Lucas e Julio pelexou ata a extenuación por reducir as distancias sen fortuna ante a férrea defensa amarela liderada por De Uña.
Ficha técnica
CD Burela FS Pescados Rubén: Ana Romero, Dany, R. Betim, Lara, Cilene, cinco inicial; tamén xogaron Shiori, Silvia, Elvira, Bea Mateos, Sofía
AD Alcorcón FSF: Belén de Uña, Isa García, Clara, Desiree, Anita Luján, cinco inicial; tamén xogaron Vadillos, Chili, Irene Samper, Ana Rivera, Vane Sotelo
Goles: 1-0, minuto 5, R. Betim; 1-1, minuto 7, Vadillos;1-2, minuto 12, Vane Sotelo; 1-3, minuto 14, Anita Luján
Árbitros: Iván Feliz Otero // Xurxo García Rodríguez (Ourense). Por Alcorcón amarela a Vane Sotelo (minuto 17), Anita Luján (minuto 23), Vadillos (minuto 27)
Incidencias: Partido da terceira xornada de Primeira División RFEF disputado en Vista Alegre ante 500 espectadores. Minuto de silencio inicial en memoria do ex-director deportivo e ex-técnico do Pescados Rubén Marcelo Santoro ‘Neco’.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
