O consistorio burelao acollía este mércores a presentación oficial do Torneo de Fútbol Sala Burela Bonita, que reunirá entre o venres e o sábado en Vista Alegre un repertorio de luxo; o acto contou coa presenza do alcalde, Alfredo Llano, e o concelleiro de Deportes e Turismo, Ramiro Fernández, xunto ao presidente do Pescados Rubén-Burela FS, Manuel Blanco. A cita servirá de posta de longo do equipo laranxa 2016-17 de Primeira LNFS, que se dará a coñecer ante a súa afección coas novidades de Joan Miñano e Cuco, xunto ao campión de campións Movistar Inter, o revelador Palma Futsal e o outro representante irmandiño do futsal de elite, Santiago Futsal.
“Para Burela é un privilexio ter un cartel deste nivel, un dos mellores de España; esta fin de semana Vista Alegre reunirá o mellor fútbol sala de Primeira. Este tipo de eventos son unha gran proxección para difundir o nome de Burela e nesta liña seguiremos colaborando co club en todo o que podamos” explicaba Alfredo Llano desde o Concello de Burela, como coorganizador do cuadrangular xunto á entidade laranxa. Pola súa banda, Manuel Blanco, agradeceu a colaboración tanto desde o consistorio como desde outras institucións e empresas privadas e animou a afección a gozar do emocionante espectáculo que vivirá a Bomboneira. “Saltarán á pista o actual campión de Liga e Copa de España, o Palma como un dos máis fortes da liga pasada e os dous representantes galegos de Primeira; a afección gozará ao grande”, concluía o presidente laranxa.
Entradas
Para os socios/as habilitarase un único bono para os catro encontros, 10 euros/adult@ e 5 euros/menor de idade. Os non socios/as deberán adquirir unha entrada por cada xornada ao prezo de 10 euros/adult@ e 5 euros/menor de idade por día.
Venres 30 de setembro
19.00 horas. Semifinal 1: Movistar Inter FS-Palma Futsal
21.00 horas. Semifinal 2: Pescados Rubén Burela FS-Santiago Futsal
Sábado 1 de outubro
19.00 horas. 3º e 4 POSTO: Perdedor Semifinal 1-Perdedor Semifinal 2
21.00 horas. FINAL: Gañador Semifinal 1-Gañador Semifinal 2
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
