Madrid, 5 de outubro de 2016. O deputado de En Marea por Lugo, Miguel Anxo Fernán Vello, presentou no Congreso unha proposición non de lei que insta ao Ministerio de Fomento a emprender actuacións de mellora do mal estado das estradas de titularidade estatal que pasan pola comarca da Mariña: a N-642, a N-634 e a N-640.
Miguel Anxo Ferán Vello critica “as clamorosas deficiencias, mal estado e problemas de inseguridade vial que teñen estas estradas. Levamos anos agardando por arranxos que nunca chegan, mentras pasan os invernos e os problemas no firme empioran”. Salienta asemade o “enorme défice que padece a comarca en materia de infraestruturas”:todas elas con importantes problemas de seguridade vial debido ao deterioro do firme e outras cuestións que afectan á seguridade vial”.
Pasividade de Fomento
Miguel Anxo Fernán Vello descrebe na exposición de motivos da proposición a situación de cada un destes viais. Comeza pola a N-642, a principal vía de comunicación desta comarca que no seu tramo entre Ribadeo e Foz presenta un lamentábel estado de conservación do seu firme, “con numerosos socavóns, grietas e baches que supoñen un auténtico perigo para a circulación por unha vía moi transitada, especialmente no verán”. Destaca que as zonas máis danadas son as de Fazouro, Mañente e sobre todo a variante de Foz.
Ademis, na N-642 engádese un problema de mala visibiliade no cruce que sirve de enlace entre a parroquia de Vilaronte (Bairro das Areosas) e a N-642 á altura da coñecida como Casa de Tol. “Un cruce no que desgraciadamente se contabilizaron varios accidentes pola falla de visibilidade para incorporarse en dirección a Foz. Por iso son necesarias obras de mellora do cruce”.
No que atinxe á N-634, Miguel Anxo Fernán Vello lembra que “o remedio ía vir da A-8 porque ía substituir á vella estrada N-634, pero a meirande parte do tempo permanece pechada á circulación polo problema das espesas néboas que aínda non se resolveu. Cada vez que se pecha como en sucesivas ocacións este verán, os condutores teñen que coller a destrozada N-634, que presenta un penoso estado de mantemento”.
A N-640 “é outra das estradas que deberían ser rehabilitadas. Presenta unha calzada destrozada que en días de choiva forma bolsas de auga. É unha vía de comunicación entre Lugo, Terra Chá, A Mariña e Asturias, que precisa unha urxente mellora entre Ribadeo e Lugo, ademáis de que aínda está pendente de arranxo o anaco entre Meira e Lugo. Supoñíase que as obras ían comezar no primeiro trimestre deste ano, pero as actuacións non empezaron”.
Para o deputado de En Marea, “a provincia de Lugo en xeral, adoece dun enorme défice en materia de infraestruturas. Pero a comarca da Mariña poderíamos dicer que se leva a pior parte. Non se beneficia nin de investimentos en materia ferroviaria, lembremos que Feve está prácticamente en proceso de desmantelamento e sen investimentos, e logo as estradas estatais están como acabamos de relata”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
