Cervo, 5 de outubro de 2016. Ante as críticas que este mércores protagoniza a concelleira de Servizos Sociais de Burela, Patricia Otero, a súa homóloga cervense, Pilar Armada, lamentou a falta de respecto institucional na que esta persoa incorre e censura ademais a pouca profesionalidade que amosa con este proceder.
“Que esta persoa se dedique a facer declaracións nos medios de comunicación sen antes manter conversas directas cos responsables doutros concellos cos que comparte servizos conxuntos, neste caso con Cervo, é como mínimo un proceder reprochable, sorprendente e difícil de aceptar”, dixo Armada.
O Concello de Cervo garante o seu compromiso coa continuidade “destes servizos tan fundamentais para os nosos veciños”, como son o Centro de Información á Muller e a consulta médica de Atención Temperá, e lembra que se sosteñen ambos fundamentalmente grazas aos imprescindible apoio da administración autonómica.
Pilar Armada engadiu que “cómpre aclarar a cuestión e indicar, no que respecta ao servizo de atención temperá, que se propón un cambio no modelo xurídico e normativo sobre o que se baseaba ata o de agora esta colaboración e a concelleira de Servizos Sociais de Burela nin tan sequera mantivo unha reunión para informar ao concellos de como afectaría este cambio. Limitouse a enviar un correo electrónico. Pero tamén a proposta feita respecto do CIM é distinta á dos anos pasados e esta concelleira volve a non informar persoalmente deste cambio de criterio e unicamente se remitiu un correo electrónico desde unha traballadora de Burela a outra de Cervo. Pedímoslle a esta concelleira que sexa un pouco máis profesional no seu traballo, e que aprenda a boa práctica de falar coa xente, e moi especialmente cos distintos responsables doutros concellos cando se trate de asuntos que afecten a todos”.
Por outra banda, Armada amósase convencida de que “os veciños de Burela estarán moito máis interesados en que a súa concelleira de Servizos Socias se preocupe polos asuntos dese municipio, onde seguro terá moito traballo que resolver, e non cremos que lles pareza ben que se dedique a perder o seu tempo de traballo en facer oposición noutros concellos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
