Despois dunha semana con dobre compromiso ligueiro a domicilio, o Pescados Rubén-Burela FS volta a Vista Alegre este sábado (18.30 horas) para medirse na 5ª xornada ante un retornado á elite tras cinco tempadas en Segunda, o UCAM Murcia FSF.
“Non están tendo moita sorte no regreso a Primeira, pero estou segura de que será un partido complicado porque os dous precisamos os puntos e o UCAM sempre se definiu por ser un equipo moi loitador” falaba así Silvia Rubal do rival, que ata o momento só puido puntuar na última xornada, empatando 3-3 con Gironella; antes sucumbiu a Roldán (4-2), Alicante (0-1) e Móstoles (4-2).
A 6 laranxa asegura que está é unha semana propicia para encamiñarse na boa senda de resultados despois dos tres primeiros puntos traballados lonxe da Mariña. “Vivimos unha semana intensa nos adestramentos, algo que debemos manter para poder reflectilo na pista. O pesar pola falta de sorte nos últimos minutos ante o Atlético (2-1), o xoves, desapareceu por completo o sábado co resultado de Majadahonda FSF (1-5); a victoria axudounos a comezar a semana moi motivadas”, recoñecía Silvia, unha das protagonistas goleadoras do último triunfo burelista, xunto a Dany e Betim: “Estou moi contenta, non só polos goles -con 3 dianas en 4 xornadas-, senón por todo o que poida axudar; o importante é que o equipo puntúe e iso sirva para subir na táboa”, confesaba a burelá.
O vestiario mariñán volverá contar coa presenza de Jozi, que regresou do Brasil a comezos da semana. Para a meta Ana Romero esta será a última cita de burelista, antes da súa marcha a Inglaterra por compromisos laborais contraídos con anterioridade ao acordo co club burelista; o Pescados Rubén agradece o traballo e axuda da gardameta durante estas semanas e agarda volver contar cos seus servizos tras a súa estancia no estranxeiro.
Á ausencia de longa duración de Emma, súmase R. Betim, que estará afastada das pistas sobre tres semanas por unha rotura de fibras; Paula e Judith regresan á convocatoria xa recuperadas.
Lucas cumprirá este sábado o primeiro dos dous partidos de suspensión cos que foi sancionado tras a expulsión en Navalcarnero.
Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 12. Ana Romero, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira.
Copa Galicia
O equipo de Lucas e Julio Delgado visitará o Ribadeo FSF, na fase de grupos de Copa Galicia, o vindeiro martes, 11 de outubro, ás 20.30 horas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
