Mondoñedo 12 de outubro de 2016.- O Concello de Mondoñedo vén de poñer en marcha unha campaña de sensibilización da veciñanza para concienciar da importancia de cumprir a Lei de Montes, no eido da prevención de incendios. Así o avanzou a rexedora, Elena Candia, quen apuntou que “neste senso, enviamos cartas informativas a todos os veciños e veciñas da localidade pedindo colaboración e recordando a importancia de cumprir a referida Lei de Montes” e, engadiu, “celebraremos tamén diversas charlas de concienciación polo rural”.
Candia precisou que “dende o Goberno Local marcámonos este obxectivo para estar preparados de cara ao vindeiro verán, época de maior confluencia de lumes, e por iso comezaremos a traballar de inmediato”.
A alcaldesa recordou que a prevención neste eido “é unha tarefa de todos” e recalcou a importancia da colaboración veciñal “para manter limpas as parcelas como punto clave para evitar a propagación dos incendios”.
A rexedora salientou tamén que dende o Concello mindoniense están levando a cabo un ambicioso plan de desbroces en todas as parroquias da localidade “do que xa estamos a piques de rematar as 10 hectáreas de maleza desbrozada”. E recordou que estás actuacións, dependentes das Concellerías de Obras e Medio Rural do Concello, contan co financiamento da Xunta de Galicia.
Candia quixo recalcar ademais que “o obxectivo principal de todas estas medidas que levamos a cabo é o de sensibilizar a todos os veciños e veciñas sobre a necesidade de coidar e preservar o entorno natural do noso municipio”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
