Vista Alegre estreou a liga de Primeira División cun gran Pescados Rubén Burela FS, con boa imaxe, sen perder a concentración e agresivo en defensa, que a punto estivo de igualar a contenda ante o poderoso Palma Futsal (3-4), apostando por un traballado despregamento de porteiro-xogador na segunda parte.
Comezou a rodar o balón en Vista Alegre con perigo burelista. Petry, de cabeza, deu vantaxe aos da casa, xa no minuto 2; o brasileiro recolleu a volea de Mata desde media pista para superar a Barrón, adiantado. Volveu tremer a rede do Palma pouco despois, no 5, cunha recuperación de Bellvert que despexou o porteiro visitante co pé, e no 6, un mísil afastado de Petry rozou o pau. Con cinco faltas antes de cumprirse o ecuador da primeira parte, os de Daniel Ibañes minguaron a súa ofensiva incisiva; cunha sólida defensa liderada por Álex e grandes intervencións de Bellvert e Chano puideron frear as intencións dos insulares ata o minuto 16, cando Vadillo puxo táboas no marcador, cun disparo raso que superou a Petry e o meta laranxa.
No regreso avisou o perigoso Petry desde a banda, pero foi Carlitos o que materializou o 1-2, no 22. Viviu entón Álex os seus minutos de máis traballo, impasible por arriba ante Joselito (minuto 26), co pé e corpo a corpo fronte a Eloy Rojas (minuto 27 e 29) e esperando a Carlitos no límite daárea (28). Tras o 1-3, de Paradynski (minuto 32), os da Mariña foron a por todas con xogo de cinco; o seu líder, Iago Rodríguez puxo o 2-3 nada máis saír. Tivo o empate Antoñito nos seguintes compases, ao bordo da liña de meta, pero aproveitou Tomaz, a porta baleira, para o 2-4. Petry levantou a Marea Laranxa no 36 co 3-4. Vista Alegre gozou dunha recta final intensísima fronte a un Palma Futsal que sufriu moito, pero ao final puido levar os tres puntos.
Ficha técnica
Pescados Rubén Burela FS: Álex, Isi, Iago Rodríguez, Matamoros, Petry, cinco inicial; tamén xogaron Antoñito, Chano, Bellvert, Iago Míguez, Hélder
Palma Futsal: C. Barrón,Vadillo, Joselito, Favero, Paradynski, cinco inicial; tamén xogaron Carlitos, Eloy Rojas, Tomaz, Maico, Chicho
Goles: 1-0, minuto 2, Petry; 1-1, minuto 16, Vadillo; 1-2, minuto 22, Carlitos; 1-3, minuto 32, Paradynski; 2-3, minuto 33, Iago Rodríguez; 2-4, minuto 34, Tomaz; 3-4, minuto 36, Petry
Árbitros: González Moreta // Sánchez Chamorro (Castela e León). Por Pescados Rubén amarela a Matamoros (minuto 22), Iago Rodríguez (minuto 35). Por Palma amarela a Vadillo (minuto 2)
Incidencias: Primeira xornada de Primeira Division LNFS disputada en Vista Alegre ante 800 espectadores.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
