O Pescados Rubén-Burela FS xa arribou ao destino da sexta xornada de Primeira RFEF para medirse ao Esportiu Rubí FS o sábado a partir das 16.30 horas (La Llana) na busca de dar continuidade aos bos resultados e de seguir medrando: “O último partido, con UCAM Murcia (2-1), non foi un dos mellores; non só queremos gañar, senón tamén mellorar o xogo” explicaba unha das caras novas da escuadra mariñá, Elvira López, que recalou este verán procedente do Ribadeo FSF, de Autonómica.
Con 9 puntos e na oitava praza, as pupilas de Lucas e Julio Delgado visitarán a pista dun rival con ganas de levantar o voo, que ata o momento tan só puido puntuar na xornada inaugural, con empate no domicilio do Leganés Masdeporte (1-1).
A 26 laranxa, habitual nas rotacións do Pescados Rubén neste inicio ligueiro, puido estrearse cara á portería esta semana en Copa Galicia fronte ao seu ex-equipo, con acoplamento paulatino ás esixencias da elite: “Custa un pouco, é difícil adaptarse á intensidade e profesionalidade do equipo, pero coa axuda das compañeiras creo que me está indo bastante ben” valoraba Elvira, entusiasmada coa experiencia burelista: “Espero que os nervios cos que salto á pista vaian desaparecendo pouco a pouco; quero disfrutar e aprender do que me está pasando e das miñas compañeiras para seguir mellorando” reflexionaba así a ribadense, a punto de cumprir 22 anos, sobre as súas metas ao longo da tempada.
O de mañá será o segundo e último partido de sanción para Lucas tras a expulsión en Navalcarnero. Tamén está amoestado o adestrador rival, Manel Cintas.
Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira
Copa Galicia en Vista Alegre
Vista Alegre acollerá o segundo compromiso da fase de grupos de Copa Galicia; será o mércores 26 fronte ao Viaxes Amarelle FSF, a partir das 21.30 horas. O Pescados Rubén pelexará por seguir avanzando na competición tras impoñerse o martes pasado ao Ribadeo FSF (0-7); pola súa banda, as coruñesas fixeron o propio fronte ás mariñás de Martínez, 5-2.
As laranxas cumpriron con solvencia no derbi comarcal. A vantaxe de 0-2 na primeira parte, con dianas de Silvia (minuto 10) e Dany (17) ampliárona as ribadenses Sofía (24) e Elvira (31), Lara (25 e 37) e Cilene. “Este tipo de encontros poden ser trampa, pero xogamos cómodas, déusenos ben” explicou Elvira.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
