Os traballadores da Empresa Mayco (Grupo Bidueiros) Auxiliares de ALCOA no
departamento de Fundición, realizarán o 28 e o 31 de outubro unha manifestación entre as 06.00 e as 09.00 horas que percorrerá a estrada de acceso a Alcoa e a Estrada de Laxe – Morás, incluíndo un paro (folga) dunha hora entre as 08.00 e as 09.00 horas.
“Estas medidas débense á negativa a iniciar unhas verdadeiras conversas por parte da dirección da empresa (Maquinaria y Colaboraciones, S.L.) tralas xestións feitas para sermos recibidos rematado o Pacto de Empresa no 2015”, segundo indica o delegado de persoal, Miguel Díaz, que engade que “só se mantivo unha reunión o 10 de xuño na que unicamente se expuxo a proposta da dirección de empresa sen chegar a intercambiar opinións entre o proposto polos traballadores e o indicado na proposta da empresa”.
Entre as demandas dos traballadores atópase un calendario laboral dispoñible a 1 de xaneiro, permutas de quendas por escrito, indicación do horario laboral, descrición e valoración dos postos de traballo, plus de días festivos e tratificacións por traballar en Noiteboa e Noitevella ou incremento salarial na mesma porcentaxe que o convenio provincial do metal.
“Ao mesmo tempo temos inquedanzas sobre a renovación do contrato que vincula a Mayco con Alcoa -rematado en maio do 2016- ao non recibir información das negociacións con Alcoa. De non manter o contrato entre Mayco e Alcoa, os traballadores solicitamos o mantemento dos
postos de traballo, independentemente da empresa que acade o contrato”, conclúe o delegado de persoal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
