Foz, 20 de outubro de 2016. Comezaron as obras para dotar de gas natural á vila de Foz. O investimento ascende a 165.000 euros e os traballos prolongaranse durante dous meses.
O alcalde focense, Javier Jorge Castiñeira, anunciou este xoves que “empezaron no concello de Foz as obras de conexión do gasoduto á rede de gas que xa existe no noso concello”.
O rexedor municipal quere “informar a todos os veciños que durante estes dous meses haberá obras que afectarán sobre todo ao núcleo urbano, desde Vilaxoane, concretamente desde San Blas, ata as proximidades da Casa da Cultura, na praza Salgado Toimil; e despois as obras desenvolveranse desde Vilaxoane ata Río e Escanlar, que é onde está a conexión co gasoduto”.
Javier Castiñeira subliña que “esta obra que conta cun investimento de arredor de 165.000 euros engloba esa conexión coa rede que hai actualmente no concello, que dispuxo a empresa Repsol no seu momento e que proporciona gas propano licuado a moitos domicilios do noso concello. Agora substituirase este gas propano licuado por gas natural, que é moito máis eficiente, leva mellores mantementos para a caldeira e é máis económico”.
O alcalde de Foz salienta que “é unha mellora importante para os nosos domicilios, para os nosos veciños, e unha vez rematada a obra quedarán anulados os depósitos que hai nas proximidades do cemiterio municipal”.
Castiñeira quere “pedirlle aos veciños a máxima paciencia, sobre todo na entrada ao núcleo urbano, xa que as obras serán durante arredor de dous meses, pero isto redunda en mellores servizos, en que moitas empresas e domicilios melloren os seus rendementos enerxéticos e económicos, o que en definitiva é bo para o concello”.
O rexedor lembra que “outros municipios, como Ribadeo e Xove, teñen feito xa ese enganche e agora tócalle ao noso concello; e é unha obra importante. Hai que entender tamén que a obra do gasoduto foi moi positiva para A Mariña, cun investimento de preto de 30 millóns de euros e que conecta á factoría Alcoa coa rede de gas do estado e iso facilita tamén a competividade de empresas importantes como é esta”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
