Na actualidade no I.E.S. PLURILINGÜE SAN ROSENDO de Mondoñedo impártense tres ciclos formativos, Ciclo Básico Agroxardinería e Composicións Florais, Ciclo Medio de Aproveitamento e Conservación do Medio Natural (Oferta Modular Adultos) e Ciclo Superior de Xestión Forestal e do Medio Natural.
O portavoz municipal, Eloi Cabanas, explica que “a xuventude mindoniense ten que escoller entre a limitada oferta formativa que se imparte na localidade ou desprazarse a outros municipios da comarca”, e apunta que a localidade conta coas infraestruturas e terreos suficientes para ampliar a oferta educativa de ciclos formativos, como son o campo da Granxa ou as instalacións do Instituto San Rosendo.
Para o Grupo Municipal do BNG de Mondoñedo, a necesidade dunha formación profesional pública, galega e de calidade que se axuste ás demandas do alumnado, así como ao mercado de traballo, é de vital importancia para adaptar o perfil competencial do estudantado a un futuro emprego; así que propoñen instar á Consellería de Cultura, Educación e Ordenación Universitaria a que revise as ofertas de formación profesional que se imparten en Mondoñedo, co gallo de ampliar e completar a oferta de Ciclos Formativos para que sexan acordes coas necesidades de Mondoñedo e tamén de toda a comarca da Mariña e zona de influencia.
Ademais, o BNG suxire a implantación de novos ciclos que considera de interese e que non se están impartindo actualmente na comarca, como son o Grao Superior en Enerxías Renovables, o Grao Superior de Guía, Información e Asistencia Turística e o Grao Superior en Xestión de Aloxamentos Turísticos.
Ciclos de Grao Medio en Hípica
O BNG local quere dinamizar a iniciación deportiva da equitación coa proposta de dous ciclos de Grao Medio en Hípica, co ánimo de formar alumnos en actividades profesionais tanto públicas ou privadas como poden ser entidades deportivas municipais, federacións ou clubs deportivos, escolas de equitación, centros ecuestres, empresas de servizos turísticos ou de actividades extraescolares.
Para iso propoñerán un acordo do pleno do concello para instar á administración correspondente e que estude a viabilidade para que no centro de Mondoñedo se inclúan estas disciplinas xa que as instalacións da Granxa, segundo os nacionalistas, “cumpren con espazo suficiente para poder impartir estas ensinanzas”.
O voceiro nacionalista lamenta que non se “aproveitara” a inauguración oficial do curso de Formación Profesional e a presenza da Raíña de España, a principios deste mes de outubro no Instituto de Mondoñedo, para anunciar a implantación de novos Ciclos Formativos na localidade.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
