O Executivo da Deputación aprobou este venres en Xunta de Goberno novas axudas por valor de 240.000 euros para os 66 Concellos da provincia de menos de 20.000 habitantes. Así o comunicou o Vicepresidente, Álvaro Santos Ramos, que subliñou que estas axudas están dirixidas a sufragar gastos correntes pola organización de actividades culturais e deportivas, así como para a adquisición de equipamentos e melloras nas instalacións culturais municipais. Son 80.000 euros para cada unha das 3 liñas de actuación, sumando, polo tanto, 240.000 euros.
Santos Ramos subliñou que isto supón que cada Concello reciba, no conxunto das tres liñas de actuación, un mínimo de 3.000 euros e ata un máximo de 5.000 euros. Concretamente, estas axudas son:
– Entre 1.000 euros e 1.600 para sufragar os gastos correntes pola celebración de actividades culturais nos Concellos durante o 2016. Por exemplo programacións de teatro ou cine, entre outras.
– Entre 1.000 euros e 1.600 para sufragar a compra de equipamento cultural, como pode ser un proxector, un telón, sistemas de audio, iluminación…; ou para pequenas obras en bibliotecas, casas de culturas, museos, centro sociais, entres outras instalacións municipais de carácter cultural.
– Entre 1.000 euros e 1.800 para financiar os gastos correntes pola celebración de actividades deportivas nos Concellos, como campionatos, competicións ou mesmo o funcionamento das escolas deportivas.
Tal e como se pode observar nas táboas que se axuntan, a distribución destes fondos fíxose en base a criterios totalmente obxectivos: habitantes, superficie, entidades de poboación, esforzo fiscal, equipamentos culturais, instalacións deportivas e clubs deportivos.
O vicepresidente explicou que agora os municipios deberán sumarse a estas programacións e achegar as súas propostas para aprobar, posteriormente, un convenio con cada un dos 66 Concellos, co que responder as súas necesidades.
Tal e como sucede con todas as programación postas en marcha polo Executivo da Deputación, ofrécese aos Concellos un anticipo do 90% da axuda que lle corresponde, poñendo a súa disposición outros 216.000 euros de xeito directo.
Melloras de 300.000 euros no rural
O Goberno da Deputación aprobou na Xunta de Goberno obras no rural da provincia por valor de 300.000 euros. Son 150.000 euros para melloras en Cervantes, e outros 150.000 euros das contas xustificativas de 29 obras, enmarcadas no Plan de Impulso ao rural e ao sector primario de 2015.
En Cervantes, son traballos de mellora nos viais municipais de Sevane a Quindous; Degrada a Vilar de Mouros; así como do acceso a Cabanas antigas. Santos Ramos destacou que “son estradas moi transitados polos veciños da zona, pois conectan coa localidade de Cervantes”.
No tocante ás contas xustificativas, son obras de mellora en accesos a núcleos poboacionais, viñedos, explotacións agrogandeiras e centro socioculturais por valor de 150.000. O Vicepresidente adiantou que “técnicos provinciais están a avaliar as solicitudes recibidas para o Plan de 2016 que ata o momento son preto de 300 solicitudes para melloras en traídas de auga, accesos rurais e centros socioculturais”.
Local de Recadación
Santos Ramos destacou que o organismo provincial leva tempo traballando no traslado do servizo de Recadación da Deputación. Para elo, explicou que se está a valorara, entre outras alternativas, a posibilidade de adquirir o inmoble da Cámara de Comercio.
“Con todo, a compra directa da Cámara de Comercio é un procedemento moi complexo, que require dun amplo estudo por parte dos nosos servizos xurídicos, que se está a levar a cabo, pois temos que coñecer como, legalmente, a Deputación, como administración pública, pode levar a cabo unha compra directa, é dicir, sen un concurso; así como se tería que asumir as cargas financeiras de ata 2 millóns de euros que a día de hoxe ten a Cámara”, destacou o Vicepresidente.
Por isto, mentres non se resolva todo este procedemento, a Xunta de Goberno acordou prorrogar o contrato de aluguer na rúa Tui.
Máis emprego
A Xunta de Goberno resolveu a contratación de 2 desempregados lucenses, que comezará a traballar como axudante de cociña en Triacastela e peón gandeiro no Páramo, a través do Ben Empregado.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
