Vista Alegre viviu un Derbi Irmandiño de espectáculo este venres nunha traballada vitoria do Pescados Rubén, cos primeiros puntos da tempada, fronte ao Santiago Futsal (6-5). Os de Daniel Ibañes chegaron ao descanso con vantaxe de 3-1 e souberon mitigar as tentativas dos de Compostela nun segundo período de alternancias.
O Santiago Futsal saíu con máis soltura e intentou asestar de inicio, con Palmas, xa no minuto 3, ante un atento Álex. A primeira dos mariñáns protagonizouna Petry, no 6, salvando Mella co pé. Cando mellor estaba o Pescados Rubén estreou Antoñito o luminoso, desde saque de esquina; cumpríase o ecuador da primeira parte. Continuou gañando en protagonismo o cadro de Daniel Ibañes, que ampliou a fenda no 14, cunha recuperación de Petry, que conseguiu irse da defensa e coar o coiro cruzando raso ao pau. Coa vantaxe de 2-0, o encontro adquiriu un ritmo frenético, con ocasións de Tallón polos composteláns e Chano polos mariñáns; o correcalles favoreceu aos de Santi Valladares, co 2-1 anotado por Álex Diz, ao segundo pau, no minuto 16. Chema Mella salvou aos composteláns do terceiro, nas zapatillas de Bellvert, pero nada puido facer co dobre penalti de Matamoros (minuto 18) tras a sexta falta, de Alemao.
Regresaron acertados os laranxas ao parqué; tan só transcorrera un minuto e cinco segundos de xogo cando Iago Míguez rubricaba o 4-1, malia a insistencia, e o agarrón, da defensa compostelá por frear a galopada do burelo. En defensa tamén volveron con bo pé, aínda que acumulando máis faltas; frearon entre Álex e Bellvert, a ferinte dobre tentativa de Antonio Diz, segundos despois. O meta mariñán tamén mostrou a súa solidez, no 26, fronte a Palmas, cunha gran lea na área. Aguantando así, chegou outra oportunidade de ouro para os de Daniel Ibañes, con Iago Rodríguez, de lonxe, para anotar o quinto (minuto 26). Apostou o Santiago por Álex Diz como porteiro xogador buscando a sexta falta dos laranxas; así puido reducir o cadro visitante ata o 5-3 en tan só 2 minutos (29 e 31) con dúas penas máximas de Catela. Contivo o asedio visitante o Pescados Rubén ata que no 37 Armando reduciu a 5-4, aproveitando un rexeitamento; antes os de Daniel tiveran dúas oportunidades a porta baleira. O pau freou o penalti de Chano e estalou Vista Alegre na recta final cun último minuto de infarto; Iago Rodríguez recuperou certa tranquilidade para os da casa co 6-4, a porta baleira, a falta de 39 segundos para a bucina final. Armando volveu atopar a rede laranxa a falta de 18 segundos, co definitivo 6-5.
Ficha técnica
Pescados Rubén Burela FS: Álex, Iago Míguez, Matamoros, J. Bellvert, Antoñito, cinco inicial; tamén xogaron Chano, Isi, Iago Rodríguez, Petry, Cuco, Hélder
Santiago Futsal: Chema Mella Dani Montes, Palmas, Alemao, Álex Diz, cinco inicial; tamén xogaron Tallón, Catela, Armando, Santi, Pablo Mel, Antonio Diz
Goles: 1-0, minuto 10, Antoñito; 2-0, minuto 14, Petry; 2-1, minuto 16, Álex Diz; 3-1, minuto 18, Matamoros (d.p.); 4-1, minuto 22, Iago Míguez; 5-1, minuto 26, Iago Rodríguez; 5-2, minuto 29, Catela (d.p.); 5-3, minuto 31, Catela (d.p.); 5-4, minuto 37, Armando; 6-4, minuto 39, Iago Rodríguez (porta baleira); 6-5, minuto 39, Armando
Árbitros: Cid Bragado // Martínez Torres (Galicia). Por Pescados Rubén, amarela a Isi (minuto 23). Por Santiago amarela para Alemao (minuto 18), Santi (minuto 22), Álex Diz (minuto 38), Chema Mella (minuto 38), Catela
Incidencias: Terceira xornada de Primeira Division LNFS disputada en Vista Alegre ante 800 espectadores.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
