Lugo, 25 de outubro de 2016.- O Grupo Provincial do Partido Popular decidiu esta mañá absterse do debate e votar en contra das iniciativas que formaban parte da orde do día do Pleno en sinal de protesta por non poder someter a aprobación a iniciativa na que pedían que Suplusa asumira a encomenda de xestión para a construción das residencias de Becerreá, Portomarín e Folgoso do Caurel. Amais de votar en contra das mocións do resto dos grupos, o PP pediu a retirada das mocións presentadas polo seu propio grupo.
Tal e como explicou a voceira do PP, Elena Candia, o Grupo Provincial do PP rexistrou o 19 de outubro, “en tempo e forma”, unha moción para o seu debate sobre a construción de determinados centros de maiores en varios Concellos da nosa provincia.
“Cun feito sen precedentes, polo menos dende que eu son deputada, esta moción reconverteuse en rogo evitando por parte da presidencia a súa posibilidade de debate, o que amosa un comportamento tan radicalmente contrario como o que se sometera a debate no ano 2010 onde se aprobaba a encomenda de xestión en idénticos termos, coa única diferenza de que se trataba doutros lugares”.
A voceira explicou que Campos “comete un atropelo sen precedentes nesta institución”. “Estamos preocupados destas medidas que está a adoptar o presidente que lonxe de continuar na liña negociadora segue encorsetado en actitudes ditatoriais e que xa lles anuncio que non vamos a permitir”, engadiu.
A voceira pediulle ao presidente que rectificara e que permitira o sometemento a debate da sesión plenaria a proposta. Ante a negativa do presidente, o PP avanzou que hoxe mesmo convocará un Pleno extraordinario cos asuntos que hoxe se debaten. “Nese pleno o PP renunciará ao cobro das correspondentes dietas e someterá a debate esa proposta que rexistrou en tempo e forma. Os populares tamén determinaron, ademais de retirar as súas mocións da orde do día, non participar en ningún dos debates de ningún dos asuntos que compoñen a orde do día.
A voceira considera ao presidente un “provocador” que o único que fai é rachar co consenso constantemente. “Está asentado na moqueta pero o PP non vai aceptar rodillos en asuntos que estaban pactados nos Orzamentos por parte dun Goberno en minoría”. Lamentamos que de novo manden as correntes besteiristas que en canto nos descoidamos sempre volven ao abuso”, criticou.
Orzamentos, límite o mes de novembro
En relación aos Orzamentos, Candia explicou que pasado practicamente o mes de outubro, ou polo menos o pleno ordinario, “non tivemos ningunha convocatoria para falar do mais importante que afecta a esta institución, que son os orzamentos”. Vémonos na obriga de facer o que se fixo en xuño, explicou, a presentación dun proxecto de orzamentos por parte do grupo provincial que lle fixo por fin ao presidente rectificar e intentar unha vía negociadora. Así, avanzou que se na orde de día do pleno de novembro non vai o orzamento, o PP presentará a súa proposta alternativa.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
