Burela, 28 de outubro de 2016.O Concello e o Consorcio da Igualdade e Benestar acometerán nos dous vindeiros as obras que faltan para a entrada en servizo da nova escola infantil. A data prevista para a apertura do centro é principios do 2017. Técnicos de ambas entidades visitaban hoxe, xunto ao alcalde, Alfredo Llano, e outros membros do equipo de goberno as obras e acordaban os prazos nos que se executarán os traballos pendentes.
O rexedor explicou que “estivemos na obra onde está a escola infantil vendo todo o que hai que facer, que é bastante pero pensamos que se vai poder realizar a gran maioría antes de que finalice o ano, que é o que se pretende. Imos acometer inmediatamente o que é a conexión das augas pluviais e residuais a unha canalización do Concello, imos facelo xa para a semana que ven. Tamén eu penso que comezaremos a obra da escollera, que é unha das que vai levar máis tempo, creo que mes e medio ou dous meses, depende de como veña o tempo. É a obra máis complicada de todas. Vanse comezar as obras para telas rematadas o 31 de decembro”.
Alfredo Llano engadiu que “hai outras obras que van ser as de perimetrar cun valado que vai facer o Concello, e quedaría para o final un arranxo unha vez feita a escollera cunha parte axardinada para que fagan prácticas de horta os escolares. Xa nos mes de xaneiro imos rematar cun muro na parte frontal da escola que quede esteticamente ben ao mesmo tempo que dea seguridade”.
O alcalde burelés declarou que “o Consorcio vaise encargar da obra da escollera, da nivelación e preparación do terreo dentro da escola, vai facer a eliminación das barreiras arquitectónicas, que xa estaba contemplado no orzamento do proxecto anterior, e tamén se vai encargar da parede que irá a carón da escola. O Concello o que vai asumir vai ser a conexión de pluviais e residuais, o peche perimetral cun valado e a conexión de electricidade”.
Finalmente Alfredo Llano dixo que “máis adiante xa falaremos do resto que corresponde ao Consorcio como é o convenio. Penso que agora mesmo vai moi ben, tanto o Concello como o Consorcio temos as cousas claras e imos colaborar as dúas entidades para que sexa unha realidade a posta en funcionamento da escola infantil de Burela o antes posible”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
