O 3 de novembro, sen recollida de lixo en Burela pola festividade de San Martín de Porres

Burela, 1 de novembro de 2016. O vindeiro xoves, día 3, non haberá recollida do lixo en Burela, segundo informa a Concellería de Medio Ambiente. Esa xornada celébrase a festividade de San Martín de Porres, patrón dos varredores.

A edil Noelia Mª Ben sinalou que “debido á celebración de San Martín de Porres non teremos recollida do lixo o xoves en Burela. Pedimos a colaboración cidadá para evitar a acumulación de bolsas nos contedores durante esa xornada”.

A concelleira de Medio Ambiente tamén lles pide aos veciños e ás veciñas de Burela que “si nalgunha ocasión se atopan cos contedores máis próximos cheos de lixo, que non deixen tiradas as bolsas no chan, por favor. Quero pedirlles que se acheguen a outras zonas a depositar eses desperdicios. Da moi mala imaxe ver as bolsas do lixo tiradas pola rúa”.