RIBADEO (FNC) .- O vindeiro venres 27 de novembro abrirá as súas portas en Ribadeo, o novo Bar Restaurante Oviedo, na rúa Amando Pérez, 5. O local foi sometido a unha completa remodelación nos últimos meses para sorprender á clientela de Ribadeo, á do resto da comarca da Mariña e á do Occidente asturiano, ademais da os miles de turistas que ano tras ano visitan a vila ribadense.
O Bar Restaurante Oviedo é o resultado da unión de dous locais de renome en Barreiros e en Ribadeo, Casa do Merlo e O Tumbín. Un dos seus propietarios, Javier de Burgos, explica que a idea de afrontar esta nova aventura naceu “logo de 3 anos de traballo en casa do Merlo como casa de turismo rural e como restaurante aberto ao público, démonos conta de que na tempada baixa traballábase moito menos do rendemento que lle podiamos sacar ao establecemento. Entón xurdiu a posibilidade de adquirir este local que está situado nun lugar moi interesante e histórico en Ribadeo e pensamos que era o momento perfecto para poder compatibilizar os dous negocios: Casa do Merlo e o Bar Restaurante Oviedo”.
No Bar Restaurante Oviedo prestarase especial atención e coidado ás tapas ou aperitivos e aos viños. Miguel Anxo Martín asegura que “trataremos de ofrecer unha serie de aperitivos e tapas máis elaborados e unha maior variedade. Teremos aperitivos de culler, tostas, etc, etc. Poderase comer de racións no bar, ou á carta no comedor, onde se ofrecerá á clientela a posibilidade de degustar os pratos que tiveron unha maior acollida en casa do Merlo e outros de nova creación. Tamén contará cun interesante menú do día de luns a venres e ademais haberá menús especiais os fins de semana. O bar estará aberto todos os días e o comedor pechará só os domingos pola noite. A cociña do Bar Restaurante Oviedo ?será tradicional, é a baseada na cociña das nosas avoas, pero tamén faremos pratos un pouco máis modernos. Algo neste sentido xa fixemos en casa do Merlo e pretendemos traer aquí ao Oviedo algúns deses pratos, ademais doutros novos. A nosa será unha cociña de mercado, moi de tempada. Intentaremos cambiar a carta a miúdo para ir sorprendendo aos nosos clientes”.
Ternasco de Aragón
Un dos seus pratos estrela será o ternasco (cordeiro) que chegará a Ribadeo procedente de Aragón. Miguel Anxo di que “trátase dun produto novo na zona, que se cociña con salsa e con patacas. É un prato tradicional aragonés que esperamos que teña moi boa acollida entre os clientes do noso restaurante. Os amantes do cochinillo ou do lechazo poderán seguir degustándoo en casa do Merlo, por encargo ou nas xornadas castelás que se organizan todos os anos. Estes dous pratos asámolos ao estilo tradicional castelán en forno de leña, por iso é polo que sigamos preparándoos no outro negocio”.
Menú do día
O menú do día e os menús especiais de fin de semana serán moi saborosos. Javier e Miguel contan que “parte do persoal que forma parte do equipo do Oviedo son os antigos propietarios do que no seu día foi O Antoxo e despois O Tumbín, Julián e Guadalupe, que elaboraban un menú moi rico que tiña moito éxito entre a súa fiel clientela. Agora entre todos retocámolo un pouco para facelo aínda máis atractivo, e esperamos que moita xente veña a comprobalo”. Na cociña xa están planificando as xornadas que organizarán nos próximos meses “como as dos cogomelos, as xornadas do boi ou outras alternativas, traendo ata a cociñeiros doutros sitios? faremos menús gastronómicos ao longo de todo o ano, por exemplo o de Entroido que será un pouco máis tradicional ou o de San Valentín, onde faremos pratos máis modernos e innovadores”.
Banquetes familiares
O comedor do Bar Restaurante Oviedo ten capacidade para acoller a uns 100 comensais, co que se converte nunha boa alternativa para celebrar banquetes familiares como bautizos, comuñóns ou pequenas vodas. Ademais conta cun reservado para aquelas reunións de negocios que precisen dun pouco máis de intimidade. A decoración do remodelado Oviedo, segundo manifesta Javier de Burgos, “non é nin demasiado moderna, nin demasiado clásica. Diría que é unha decoración elegante e discreta. Aínda que o mellor é que vingan a velo e decidan se acertamos ou non”.
Trece persoas traballarán entre o Bar Restaurante Oviedo e Casa do Merlo durante a tempada de outono-inverno. Cifra que alcanzará os 20 empregados no verán.
Javier e Miguel esperan que “a clientela goce da nosa gastronomía, que gocen do local e que perciban todo o agarimo e toda a ilusión que puxemos neste proxecto conxunto os os equipos humanos do Tumbín e Casa do Merlo. Esperamos que no Bar Restaurante Oviedo a xente estea a gusto, coma ben e volva a miúdo”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
