11 de abril de 2002. Fedecámaras -acrónimo da principal organización de gremios empresariais de Venezuela- convoca folga xeral que dura tres días. Despois dos enfrontamentos sucedidos enfronte ao Palacio de Miraflores os militares sublevados depoñen ó presidente electo Chávez e instauran na presidencia a Pedro Carmona Estangas, tamén presidente de Fedecámaras.
Os acontecementos desenrólanse nun espazo temporal exiguo, nos días que van do 11 até o 14 de abril a poboación civil que respalda ao presidente Chávez sae á rúa, as autoridades internacionais non recoñecen ó novo presidente, e os militares leais ó Goberno retoman o poder devolvendo ó mandato ó cargo deposto.
Na mesma data 13 de abril do 2002 o diario español El País abre o día alentando o golpe co Editorial que leva por título: “Golpe a un caudillo”; a total literalidade do texto está dispoñible na rede ou hemeroteca e calquera pode ler o seu contido. Rescato un párrafo para insinuar sen enseñar:
“Sólo un golpe de Estado ha conseguido echar a Hugo Chávez del poder en Venezuela. La situación había alcanzado tal grado de deterioro que este caudillo errático ha recibido un empujón. El ejército, espoleado por la calle, ha puesto fin al sueño de una retórica revolución bolivariana encabezada por un ex golpista que ganó legítimamente las elecciones para, convertirse desde el poder en un autócrata peligroso para su país y el resto del mundo.”
Para entender os intereses do grupo Prisa no proceso bolivariano habería que atender á súa presencia alí a través do grupo Cisneros e Venevisión, así coma ás expectativas comerciais de Repsol-YPF (un dos principais anunciantes), Telefónica (propietaria do 20% das accións do grupo Sogecable) ou as dúas primeiras entidades financieiras de América Latina: BBVA e BSCH.
Voltamos a España e atopámonos coa entrevista do programa de reportaxes de actualidade Salvados onde o pasado domingo 30 de outubro foi entrevistado o ex secretario xeral do PSOE Pedro Sánchez; en plena ebulición do exercicio de psicoterapia levado a cabo polo xornalista Jordi Évole, o político socialista, que quere morrer matando, debúxase como Cristo na súa paixón. No medio da catarsis de sinceridade o ex secretario afirma ter recibido presións de determinados medios progresistas, como El País, que o desacreditarían no suposto de que decidira converxer con Podemos nunha eventual coalición.
No tocante ó debate relativo á independencia mediática admito que o primeiro que se me pasou pola cabeza foi a polémica xurdida no ano 2006 pola non concesión da renovación da licencia de Radio Caracas Televisión, catro anos despois da tentativa de golpe de estado, por promover de forma activa o magnicidio do presidente Chávez. Novamente o grupo Prisa informaba da tiranía do dictador venezolano que pechaba canles de televisión…
Finalmente, e a modo de síntese de todo o exposto, puiden lembrarme daquela cita de Chomsky –ó que Chávez referenciaba na Asamblea Xeral da ONU do 2006- que dicía que a mellor forma de manter á poboación pasiva e obediente era limitando o espectro de opinións políticamente correctas, pero alimentando acalorados debates dentro do mesmo. Nuda veritas.
Pablo Álvarez Ramos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
