O Balonmán Galipizza Viveiro tróuxose os dous puntos da pista do Chapela (26-35), en partido pertencente á segunda xornada de Liga na Segunda Autonómica. Deste xeito, os de Viveiro continúan coa súa boa xeira de resultados neste inicio de campaña.
Os pupilos de Javi Villares entraron moi concentrados no partido e xa practicamente o sentenciaron nos primeiros 20 minutos, nos que realizaron un notable traballo en defensa que permitiu moitos contragolpes e rápidas transicións que remataba en opcións de lanzamento moi claras. Deste xeito, os visitantes conseguiron en moi pouco unha renda de oito goles coa que chegarían ao descanso: 12-20.
No segundo tempo, os da Mariña dedicáronse a administrar a súa vantaxe e en ningún momento o conxunto local foi capaz de ofrecer unha reacción que lle dese un pouco de picante ao encontro. Mentres tanto, no Galipizza repartíanse minutos de calidade entre todos os membros da expedición. Destacar o feito de que, salvo os porteiros Emilio e Peña, todos os xogadores marcaron no encontro do pasado sábado, o que amosa o bo traballo feito polo equipo en Chapela.
Os viveirenses comezarán a preparar esta tarde o encontro do vindeiro sábado, no que recibirán no Municipal de Viveiro a visita do Ferrolterra (18 horas), un conxunto que xa derrotaron na Copa Federación: 32-26.
BALONMÁN CHAPELA TALLERES PONTESECA (25): Aarón; Carlos (6), Xoel (1), Fernando (3), Pedro, David, Castellano (9), Erick, Ramón (2), Jacinto (5), Iago, Luis e Alexandre.
Exclusións: Castellano e Erick (2).
BALONMÁN GALIPIZZA VIVEIRO (35): Emilio e Peña; Jose Labaén (5), Carlos (1), Javi Villares (8), Bruno (1), Villares (5), Fede (1), Turbo (2), Andrés (1), David (2), Jacobo Permuy (2), Sanjurjo (3) e Aitor (4).
Exclusións: Turbo (2).
Árbitros: Ángel Villar e Silvia Vázquez.
Incidencias: Algo máis de medio cento de espectadores no Municipal de Chapela.
Traballan man a man con Vicenzo Mansi, un dos mellores "pizzaiolos" do mundo, gañador do premio en 2024.
A cita tivo lugar no Conxunto Histórico Artístico de Sargadelos e contou cunha trintena de exemplares inscritos. Ata alí achegáronse a rexedora, Dolores García Caramés, e o edil de Zona Rural, Adrián Arias, que compartiron un anaco moi agradable con criadores e afeccionados neste evento que é foi todo un escaparate do mellor da cría desta emblemática raza. A xuíza Ana Paola Díaz Esteban foi a encargada de xulgar a todos os participantes nas diferentes categorías, con premios para o mellor boxer nacido en Galicia, o mellor veterano, a mellor promesa, o mellor xove ou o mellor de raza, entre outras moitas categorías.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Contou con máis de 150 inscricións de toda Galicia, Asturias, Castela e León, Cantabria, País Vasco e Madrid. A alcaldesa, Dolores García Caramés, participou na entrega de diplomas desta competición organizada en colaboración coa Federación Galega de Kárate.
Estivo organizado por Chen Style Tai Chi Center, de Gijón, coa colaboración do Concello. O gran mestre Liming Yue é embaixador mundial da promoción do Tai Chi pola organización de Chenjiagou e as autoridades do goberno local en China en 2009, debido á súa grande contribución e logros no Tai Chi do estilo Chen. Ata o pavillón da Rúa Alfredo Deaño se achegou o alcalde, Dani Vega, que saudou aos asistentes, á organización e ao gran mestre Liming Yue.
A alcaldesa, Dolores García Caramés, estivo con eles/as durante a clausura da actividade.
A Deputada de Economía, Recadación, Facenda e Especial de Contas, Carmela López, participou este sábado na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
