A Mariña, 10 de novembro de 2016. Burela será escenario do acto conxunto organizado pola Mancomunidade de Municipios da Mariña para celebrar o día internacional contra a violencia de xénero o vindeiro 25 de novembro. Así o deu a coñecer esta tarde Alfredo Llano. A cita enmárcase dentro do proxecto Puntos limpos para xestión de residuos machistas, co que foi premiada hai uns meses a Mancomunidade.
Llano sinalou que “este é un proxecto que se presentou que ten moitas actividades e grandes propostas e realmente pensamos que é necesario e estase levando xa adiante de diversas maneiras. Unha delas é coa coordinación dos CIM de cada Concello a través dos profesionais que traballan con estes temas de muller, de violencia de xénero e de igualdade. Estamos tendo tamén moitas actividades nos diferentes centros educativos tanto escolas como institutos onde se imparten charlas orientativas e informativas sobre qué é a violencia de xénero, cómo evitala e sobre a igualdade”.
O presidente da Mancomunidade subliñou que “este ano temos unha proposta, algo novo que considero eu que ven indicar un pouco a responsabilidade de todos os representantes dos Concellos da Mariña que somos 16, e imos facer un acto en conxunto para os 16 Concellos que vai ser posiblemente en Burela o 25 de novembro”.
Alfredo Llano dixo que “ese día imos celebrar un día en contra da violencia de xénero e a favor da igualdade. Iso vai ser posiblemente no IES Perdouro de Burela e imos estar presentes todos os Concellos da Mariña nun acto que consideramos solidario e que ven ser representativo e no que dalgunha maneira se note o compromiso para evitar o problema da violencia de xénero e a favor da igualdade”. E engadiu: “imos ir pouco a pouco confeccionando e dando ese contido a todos estes actos que se van celebrar o 25, pero en principio destacar que ao estar aí os 16 Concellos da Mariña é en se mesmo unha boa noticia”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
