O Pescados Rubén Burela FS medirase o sábado ao Jaén Paraíso Interior (La Salobreja, 18.00 horas) no segundo desprazamento da semana para os mariñáns, logo de clasificado para cuartos de Copa do Rei na casa do Aspil Vidal Ribera Navarra. “Jaén está facendo moi boa tempada. Sabemos que vai ser difícil pero vimos de deixar boas sensacións nun pavillón tamén moi complicado, en Tudela, e imos intentar puntuar si ou si; o pase a cuartos dános alegría a todos e iso fai que as viaxes e tantos quilómetros vallan a pena” explicaba Raúl García Pérez, Cuco, unha das caras novas laranxas, que militou as dúas últimas tempadas no conxunto andaluz.
Aos burelistas espéraos o equipo de ex do Pescados Rubén Dani Rodríguez, cos tamén vellos coñecidos de Vista Alegre Dani Martín e Chino. O Paraíso Interior chega á sexta xornada con bo inicio ligueiro, defendendo a sexta praza con 9 puntos, fronte aos 3 dos galegos; tras encadenar triunfos como local fronte a Peñíscola (5-4) e Jumilla (14-0) e na casa do Cartagena (0-3), os xienenses sucumbiron a semana pasada en Gran Canaria (6-3). “Polo que vivín eu alí, sei que a afección de Xaén aperta moito e creo que se somos capaces de manter o fío do partido preto, se chegamos ao final do partido con opcións, podemos puntuar” advertía o 21 mariñán, incidindo nas directrices de Daniel Ibañes: “Como ben di o míster a concentración vai ser outra das claves. fixemos bos encontros, sobre todo na casa, pero hai momentos nos que nos imos do partido e iso vese despois reflectido no marcador; quédome coa primeira parte do Barça, na que estivemos moi concentrados e sabendo o que tiñamos que facer” analizaba Cuco.
O ala madrileño recuperou a ilusión polo futsal na Mariña logo de case unha tempada en Xaén afastado por unha pubalxia. “Foi difícil, foron dez meses fóra das pistas; estiven moito tempo con tratamento conservador antes da operación. Agora creo que gozo moito máis, vexo as cousas doutro xeito e intento gozar ao máximo de cada minuto dentro da pista e sobre todo de estar facendo o que me gusta e de compartilo cos compañeiros”.
“Estou contento pola grande acollida por parte do club, do corpo técnico e dos compañeiros; xa coñecía a algún de coincidir noutros equipos e a verdade é que mo puxeron todo moi doado para que a miña adaptación sexa o máis rápida posible”, aseguraba Cuco no seu primeiro ano en Burela, pedindo “saúde e que as lesións respecten a todo o equipo” para seguir medrando na Familia Laranxa.
O equipo mariñán partirá mañá ás 8.30 horas para terras andaluzas; quedarán en Burela Petry, por unha pequena rotura de fibras, e Chano, por molestias nun pé. A última sesión preparatoria será o sábado pola mañá en La Salobreja.
Convocatoria Pescados Rubén: 5. Iago Míguez, 7. Isi, 9. Iago Rodríguez, 10. Matamoros, 13. Álex, 17. Carlitos, 18. J. Bellvert, 20. Miñano, 21. Cuco, 23. Antoñito, 27. Renato, 30. Hélder.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
