Ribadeo, 11 de novembro de 2016. As Concellarías de Igualdade e Mocidade desenvolverán ao longo das vindeiras semanas diversas actividades para os centros de ensino de Ribadeo enmarcadas no programa Educando en Igualdade.
O 17 de novembro terá lugar a obra de teatro O segredo de Uxía. Será no Teatro e está destinada ao alumnado de 3º e 4º de primaria. O 13 de decembro os rapaces e rapazas de 5º de primaria traballarán arredor do conto O ronsel dos océanos, de Ánxeles Alvariño. Será nos propios centros: Sagrado Corazón de Xesús e Gregorio Sanz.
Os alumnos e alumnas de 1º, 2º e 3º da ESO asistirán á representación teatral de As Pementeiras o 22 de novembro no Teatro.
Xa no vindeiro ano, no 2017, en febreiro/marzo desenvolverase un obradoiro de autodefensa feminista para alumnas de 4º da ESO, “no que se pretende que saiban responder e defenderse ante calquera ataque ou agresión física”. No mesmo traballaranse tanto técnicas físicas como elementos emocionais, psicolóxicos, relacionais… Este obradoiro desenvolverase no Sagrado Corazón de Xesús e no IES Dionisio Gamallo. Terá unha duración de tres horas e haberá quendas de 30 alumnas por grupo.
E tamén nos mesmos meses de febreiro/marzo está programado un taller sobre novas masculinidades e cambios social para os alumnos. Tamén terá unha duración de 3 horas e haberá quendas de 20 rapaces por grupo. Será nos centros Sagrado Corazón e Dionisio Gamallo.
Finalmente os nenos e nenas de infantil desfrutarán dun contacontos o 8 de marzo. Terá como destinatarios aos pícaros e pícaras de 3 a 5 anos dos centros educativos de Ribadeo e ao alumnado do 2º ciclo de educación infantil do CIFP Porta da Auga, que será o encargado de impartir o contacontos.
Estas actividades foron presentadas polas concelleiras de Igualdade e Mocidade, Mariluz Álvarez e Vanesa Yanes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
