No pavillón de deportes de San Miguel, a cuberto da choiva que caía a rego cheo, tivo lugar unha nova enganchada billardeira ca participación de cinco ducias de palanadores en deportiva loita por acadar os postos de honra da xornada.
En cada aberto van aparecendo caras novas que veñen agrandar e dar maior colorido a tribu billardeira, uns con mais fortuna ca outros, pero todos ca millor disposición de participar e axudar a espallar o deporte da billarda. Vamos medrando, sen prisa pero sin pausa, que como di o refraneiro “À auga de correr e ós cans de ladrar, non llo podes privar”.
Xa que a choiva non obrigaba a xogar a cuberto, non estábamos tan apurados de tempo e daquela demos comezo as carreiras logo de agardar un bo anaco para que foran chegando os que (maiormente por ser de máis lonxe ou por mor do traballo) viñan con demora.
O resoar dos golpexos do palán na billarda, que saía escopetada cara adiante, fundíase nun todo co barullo xeral, que subía decibelios cando un palanador conseguía un “varado”. Hoxe si, hoxe era un bo día para os tiros directos e foron uns cantos, dezaseis finalmente os acadados en toda a xornada e precisamente por xogar no pavillón, a xente xogaba confiada e non foron poucas as billardas que saían desviadas a rentes do varal.
E mentres o xogo discurría, o seleccionador nacional Manolo Flores desapareceu e voltou cun cargamento de castañas asadas que foron o deleite dos palanadores e xiareiros presentes.
Os debutantes iban paseniño entrando no xogo, con maior ou menor sorte e dando algún que outro susto os mais veteráns. Entre os que poideramos chamar “novatos” destaca favorablemente “Sachas”, unha das incorporacións deste ano dos Troitas Bravas, que en moi pouco tempo, esta acadando un envidiable nivel de xogo. Encóntrase cómodo na parte alta da táboa clasificatoria e destaca tamen en varados. Parabéns.
Ao remate das carreiras o dominio dos Billardeiros Musicais foi asoballante. Markytos e Manu Pozo (24 puntos c/u) loitaron polo primeiro posto saindo gañador o bicampión nacional, mentres que o seu compañeiro Rubén víase superado na loita polo terceiro posto por un entonado Jorge dos Remourelle Bulls, que evitou deste xeito un podio monocolor.
En equipos, os Billardeiros Musicais manteñen a condición de invictos e consolidan o primeiro posto, aumentando a súa vantaxe.
No apartado de donas, parece que Lola Eiras de Polka Miseria, está collendo forma e quere rebaixar a distancia ca xefa Geni, hoxe como a derradeira xornada, empataron a dezanove puntos, terceira foi Lorena con once puntos.
En varados a xornada pechouse con dobletes de Charli, Markytos, Pepe de Outeiro e Sachas e outros que se estrearon ata completar os dezaseis da xornada.
Os agasallos para os primeiros foron entregados por Flores, na súa faceta de anfitrión e coordinador do aberto, e para remate da xornada, puxo o broche de ouro con unha partida de petiscos de torrezmos e chourizos, pan e viño do que disfrutamos todos xuntos, aparcadas as rivalidades do xogo, en boa amizade e mellor camaradería. Isto é billarda: Xogo e festa rachada!
As clasificacións quedan así:
Absoluta
1º Rubén (Billardeiros Musicais) 80 p.
2º Manu Pozo (Billardeiros Musicais) 74 p.
3º Coedo (Billardeiros Musicais) 70 p.
Donas
1ª Geni (Billardeiros Musicais) 67 p.
2ª Lola Eiras (Polka Miseria) 50 p.
3ª Irea (Carabullo) 44 p.
Equipos
1º Billardeiros Musicais, Ribadeo 333 p.
2º Chaínzos-Cadaval, Castro de Rei 300 p.
3º Carabullo, Outeiro de Rei 270 p.
Varados
Migho (Chainzos-Cadaval) 3
Pepe Outeiro (Chainzos-Cadaval) 3
Charli, Markytos, Sachas 2
Antes do torneo do Galo (10 decembro en Ribadeo), temos a disputa da “X Copa Cantábrica” en Avilés onde agardamos renovar título contra a selección asturiana.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
