O Executivo da Deputación aprobará este venres na Xunta de Goberno un contrato de patrocinio co CD Lugo por valor de 265.000 euros para promocionar a marca e as potencialidades da provincia “máis alá das nosas fronteiras”. Así o adiantou o Presidente, Darío Campos Conde, nun encontro no Anxo Carro cos xogadores e o equipo técnico do club albivermello, no que tamén participou o Deputado de Deportes, Pablo Rivera Capón.
“Nos últimos anos, o Lugo tense convertido nun dos máximos embaixadores da nosa terra. O club albivermello atópase inmerso nun dos períodos máis importantes da súa historia, consolidado na categoría de prata do fútbol español. Este crecemento vén ligado a unha imaxe de rigor e solvencia, que nos permite presumir de equipo, e mostrar un tremendo orgullo por estas cores. Por todo isto, considero que o club albivermello é unha grande plataforma para redescubrir Lugo no panorama nacional, así como impulsar valores ligados como o compañeirismo ou a superación”, subliñou Campos Conde.
O Presidente apuntou que “o noso obxectivo e contribuír á importante actividade de todos os clubs deportivos e, simultaneamente, impulsar o desenvolvemento económico lucense. Os contratos de patrocinio co Lugo e o Breogán permitiranos avanzar da man das dúas entidades deportivas coa maior masa social da provincia. Pois o Lugo, ao igual que o Breogán, levará a marca da provincia e todas as súas potencialidades máis alá das nosas fronteiras. Ademais, fomentaremos a práctica deportiva como un importante elemento de integración social, de igualdade de xénero ou de hábito de vida saudable”.
Promoción da provincia
Deste xeito, o Executivo da Deputación aprobará este venres na Xunta de Goberno os pregos dun contrato de patrocinio co CD Lugo por valor de 265.000 euros que garante a proxección da provincia, canto menos, nas preto de 20 cidades que o Club Deportivo Lugo visita ao longo da tempada: Almería, Cádiz, Córdoba, Elche, Girona, Huesca, Valencia, Mallorca, Madrid, Miranda de Ebro, Tarragona, Soria, Oviedo, Reus, Sevilla, Tenerife, Murcia, Valladolid e Zaragoza.
Así mesmo, durante os partidos do club albivermello no Anxo Carro emitiranse vídeos promocionais de todas as comarcas lucenses, “dando a coñecer os nosos recursos turísticos, culturais, naturais, patrimoniais, e os nosos produtos autóctonos”, apuntou Campos.
Cómpre sinalar que a entrada media ao estadio durante a pasada tempada foi de 3.800 espectadores por partido. É dicir, preto de 80.000 persoas ao longo do ano, o que da boa conta da repercusión directa que supón a efectos de visibilidade. A esta cifra hai que engadir as persoas que seguen os partidos do Lugo por televisión, cunha audiencia media de 13.900 espectadores por encontro. Tendo en conta que o club disputa 42 partidos ao longo do ano, chegarase a unha media de 600.000 persoas.
O contrato de patrocinio inclúe ademais máis contra prestacións para a provincia, establecendo varios espazos para a promoción de todos os seus recursos, como un banner na web do CD Lugo; un espazo destacado na Sala de Prensa e Zona Mixta do estadio Anxo Carro; emisión de contido visual en LED TV durante todas as roldas de prensa do club; un espazo nas novas entradas da Liga de Fútbol Profesional a partir de decembro, cunha distribución anual de 50.000 entradas; un espazo destacado no autocar oficial do CD Lugo; imaxes da provincia en 4 vallas na UTV; así como presenza en todo o equipamento oficial de xogo do primeiro equipo e presenza da marca Lugo en todas as cartelerías do club en toda a tempada.
Pola súa parte, o Deputado de Deportes, Pablo Rivera Capón, sinalou que “este contrato de patrocinio conleva unha inversión rendible para a provincia, como así nolo indican os estudos de mercado, xa que vai a supoñer un retorno económico moi importante para os lucenses. É polo tanto, unha boa noticia para os máis de 4.500 socios do club albivermello; e, en xeral, unha boa noticia para toda a provincia”.
“Dende o comezo buscamos unir esforzos co CD Lugo e xerar un vínculo que vaia máis aló do que se viña facendo. Consideramos que este contrato de patrocinio leva aparellado unha contrapartida moi importante para a provincia, e estou seguro que o CD Lugo dado a súa excelente estrutura de funcionamento actual, vai a cumprir con creces con todos os lucenses”, engadiu Rivera.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
