Ribadeo, 18 de novembro de 2016. Satisfacción nos Concellos de Ribadeo, Burela e Cedeira, que veñen de obter unha subvención do Galp A Mariña-Ortegal para a posta en marcha do proxecto Entre Arcos e Cantís.
O proxecto Entre Arcos e Cantís presentado en conxunto polos Concellos de Ribadeo, Burela e Cedeira ao Grupo de Acción Local do sector pesqueiro A Mariña-Ortegal, vén de obter unha subvención por un importe de 118.991 euros o que representa case o 80% do orzamento solicitado (149.808 euros).
Os Concellos conscientes da importancia do traballo en rede e da necesidade de establecer estratexias conxuntas presentaron este proxecto que emprega como fío condutor a riqueza xeoturística e patrimonial, presente nestes tres Concellos costeiros e que persegue conciliar a conservación e preservación do patrimonio natural fomentando o ecoturismo e a dinamización económica local.
Todas as medidas e accións que se inclúen no proxecto están orientadas a aproveitar as sinerxias da riqueza do patrimonio xeolóxico e paisaxístico presentes nos Concellos de Burela, Cedeira e Ribadeo cara á creación dunha estratexia de turismo sostible e unha imaxe de marca do territorio da Mariña-Ortegal. Este territorio conta cunha riqueza xeolóxica salientable e excepcional; en Ribadeo destaca a presenza do maior conxunto de arcos rochosos da Península Ibérica, así como a superficie achairada rasa cantábrica os pregues tombados da zona de Piñeira ou os Ollos de Rinlo; no caso de Burela a agrupación de pregues mellor conservados e con maior interese científico e didáctico do territorio nacional e a ampla variedade de rochas (ígneas, metamórficas e sedimentarias) que fan deste Concello un referente xeolóxico tanto a nivel nacional como internacional. E Cedeira conta coa presenza, na Serra da Capelada, de materiais pouco habituais na superficie do noso planeta que permiten coñecer e saber como é o seu interior, ademais de atoparse elementos destacables como os cantís máis altos da Europa Continental ou a única praia con area negra non volcánica de toda a terra.
“Sen dubida algunha se trata duns recursos excepcionais capaces de crear novas alternativas sostibles no noso territorio e que compre se traballen conxuntamente baixo unha estratexia común”, sinalan desde a Área de Desenvolvemento Local de Ribadeo.
O proxecto contén a posta en marcha de toda unha serie de actividades entre as que destacan o inventario do patrimonio natural e guía xeolóxica da zona, a creación dunha plataforma web que porá en valor tanto a xeodiversidade como outros recursos patrimoniais, alternativas de aloxamento, ocio ou restauración.
Tamén forman parte das actividades a realizar a creación de itinerarios xeolóxicos interpretados, as xeorutas, que son a primeira actividade xa posta en marcha en Cedeira e Burela este pasado verán, mentres que en Ribadeo xa levan tempo executándose. Así mesmo tamén contempla a creación dunha aplicación móbil que incluirá os itinerarios xeolóxicos ou o establecemento de programas de formación e educación medioambiental dirixidos aos centros educativos.
“O obxectivo principal do proxecto é potenciar o ecoturismo mediante os valores turísticos asociados á paisaxe litoral e ao seu valor ecolóxico e patrimonial, capaz de crear novas alternativas económicas locais conciliando o desenvolvemento sostible do territorio. En todos os Concellos se establecerán actuacións paralelas que incorporen elementos de reforzo para a conservación e protección do espazo xa que todas as actividades a realizar son compatibles coa protección e conservación do medio”, engaden.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
