Barreiros, 1 de decembro de 2016. O establecemento hostaleiro Refuxio Tapería O Castro, de Barreiros, reabre este venres 2 de decembro a partir das 19.00 horas despois dunha importante remodelación das súas instalacións, que afectou sobre todo as fachadas e á cociña.
As fachadas do inmoble estrean illamento térmico e unha imaxe totalmente renovada, mentres que a cociña foi ampliada e dotada con novo equipamento.
A partir deste venres Refuxio Tapería O Castro abrirá todos os fins de semana, de venres a domingos, e a próxima semana enteira, debido ás pontes. A partir de Semana Santa estará aberto todos os días.
Ademais este venres renova os Venres de Tapeo, nos que se ofrecen elaboracións especiais creadas pola xefa de cociña, Mailén Escobar, para as que se manterá o mesmo prezo que en tempadas anteriores: 1,50 euros por tapa.
En Refuxio Tapería O Castro a planta baixa está dedicada a cervecería, cafetería e restaurante, que ten unha terraza cuberta con espectaculares vistas ao mar. En total conta con capacidade para 180 comensais e ofrece unha ampla e variada carta.
O espazo destinado a aloxamento dispón de habitacións individuais, dobres e triplos, todas elas decoradas con impresionantes fotografías da Costa lucense e que contan con terraza privada, ducha de hidromasaxe e aire acondicionado, entre outros servizos. Tamén ten unha suite, dotada con bañeira de hidromasaxe, dúas terrazas (unha con vistas ao mar a e outra á montaña) e cama king size. Para acceder ao hotel dispón de ascensor e nas inmediacións do establecemento hai unha ampla zona para aparcadoiro de vehículos.
Refuxio Tapería O Castro está situado en primeira liña de praia, concretamente en pleno paseo marítimo do areal de Fontela-Valea, formidable praia da parroquia barreirense de San Pedro de Benquerencia.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
