Lugo, 1 de decembro de 2016. O BNG pedirá a reprobación da Subdelegación do Goberno en Lugo no Parlamento Galego. A parlamentaria do BNG por Lugo dixo que “a sentencia do Xulgado do Contencioso Administrativo número 2 de Lugo é suficientemente clarificadora” e demostra que “catro persoas foron sancionadas sen probas por esta subdelegación”. Para o BNG trátase dunha volta a tempos nos que as forzas da orde e os gobernadores civís actuaban como xuices e executores da lei sen dar opción á lexítima defensa por eso “entendemos que unha institución como o Parlamento Galego non pode ficar allea a este xeito antidemocrático de actuar” afirmou Rodil.
A sentenza foi coñecida o pasado 23 de novembro e nela anúlanse as multas impostas en marzo de 2014 a catro persoas que intenteban, mediante unha sentada, impedir as controvertidas obras de encauzamento do río Sarria. Estas persoas foran desaloxadas, pola Garda Civil, do desparcido ponte do Toleiro. Olalla Rodil lembrou que en abril deste mesmo ano o BNG de Sarria levou ao pleno do concello unha moción na que se propoñía que o subdelegado do Goberno, Ramón Carballo, fose declarado persoa non grata e que “naquel momento ningún grupo político apoiou a iniciativa do BNG que agora se demostra como acertada”.
“Sempre dixemos que as mobilizacións eran pacíficas e que as sancións impostas, por un total de 16.709 euros, eran desproporcionadas” afirmou Rodil e engadiu “por iso consideramos que todos os grupos políticos que acrediten na democracia e no dereito a manifestarse deberán apoiar a nosa proposta de reprobación no Parlamento Galego”. A setenza, explicou Rodil, recoñece que a mobilización foi reprimida con multas e sen probas. O xulgado tivo en conta probas gráficos, vídeos e testigos que a Subdelegación rexeitou nos recursos administrativos previos.
A sentencia considera que “non é de recibo” que a Subdelegación do Goberno “apele a que existe numeroso material probatorio acreditativo da realidade dos feitos imputados”, en referencia a fotografías, pero non o incorpore ao correspondente expediente. A entidade gubernamental, agrega, argumentou a validez das multas con “imprecisións ou afirmacións xenéricas” que non son suficientes para poder exercer a “potestade sancionadora”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
