Iago Rodríguez liderou esta noite a terceira vitoria consecutiva dos laranxas deixando a súa pegada en catro das nove dianas da mariñáns fronte ao pechacancelas, Adegas Juan Gil Jumilla. Aínda que tiveron que remar contra corrente, os de Daniel Ibañes souberon dar o golpe psicolóxico con 1-2 ao bordo do descanso; na segunda parte demostraron a temperanza necesaria no tira e afrouxa do electrónico ata poder tomar distancias no último cuarto.
Aos burelistas custoulles atopar a comodidade ante un rival que saltou sen medos ao parqué de Vista Alegre, disposto a atopar a vitoria nos rápidos contragolpes. Os gardametas convertéronse nos grandes protagonistas dos compases iniciais, con máis traballo para Álex, que mantivo a portería laranxa a salvo ata o minuto 16, cunha resposta veloz do Jumilla, tras falta de Mata, que finalizou Lineker; tan só 2 minutos despois, os de Gea volveron sorprender nun rápido saque de banda que terminou Everton superando a Antoñito e a Álex. Os mariñáns responderon con xogo de cinco abanderado por Iago Rodríguez, que recortou distancias sobre a bucina.
As porterías tremeron no comezo da segunda parte. A tan só un minuto e cinco segundos da continuación, Iago Rodríguez igualou a contenda tras falta de Lucas. O 9 laranxa volveu levar polo aire aos laranxas asinando o seu hat-trick, de novo en xogada de estratexia, tan só un minuto despois para devolver as táboas 3-3, tras unha rápida reacción dos visitantes que culminou Raúl Gómez. A alternancia seguiu reinando no guión da Bomboneira; cando parecía que o Burela FS podía comezar a marcar as súas regras, tomando vantaxe no 26, con Matamoros volteándose sobre a defensa murciana, Lineker recuperou o equilibrio (minuto 27) cun disparo exterior. Os goles cederon terreo para o ritmo frenético en Vista Alegre. Renato, no 35, marcou o quinto dos de casa e a partir de aí os de Daniel Ibañes souberon agarrar os tres puntos a pesar da aposta dos murcianos por porteiro xogador. Iago Rodríguez, nunha pugna ao bordo da liña de meta, Iago Míguez, por partida dobre, e Matamoros, de dobre penalti, completaron nos dous últimos minutos o definitivo 9-4.
Ficha técnica
Pescados Rubén Burela FS: Álex, Iago Míguez, Matamoros, Jorge Bellvert, Antoñito, cinco inicial; tamén xogaron Iago Rodríguez, Petry, Cuco, Isi, Hélder, Renato
Adegas Juan Gil Jumilla FS: T. Soares, Raúl Gómez, Bolívar, Everton, Lucas, cinco inicial; tamén xogaron Lineker, Ary Neto, A. Sánchez, Pimpolho, Samu
Goles: 0-1, minuto 16, Lineker; 0-2, minuto 17, Everton; 1-2, minuto 19, Iago Rodríguez; 2-2, minuto 22, Iago Rodríguez; 2-3, minuto 23, Raúl Gómez; 3-3, minuto 23, Iago Rodríguez; 4-3, minuto 26, Matamoros; 4-4, minuto 27, Lineker, 5-4, minuto 35, Renato, 6-4, minuto 38, Iago Rodríguez; 7-4, minuto 38, Iago Míguez; 8-4, minuto 39, Iago Míguez; 9-4, minuto 39, Matamoros (d.p.)
Árbitros: Contreras Tejedor // Pérez Álvarez (Castela e León). Por Burela amarela a Matamoros (minuto 17), Iago Rodríguez (minuto 38). Por Jumilla amarela a Lucas (minuto 21), A. Sánchez (minuto 25 e 35), Bolívar (minuto 31), Lineker (minuto 35 e 36), Poti (minuto 38), Ary Neto (minuto 39), Everton, Samu
Incidencias: Partido correspondente á xornada 9 de Primeira División LNFS disputado no pavillón Vista Alegre de Burela. Sobre 900 espectadores. Minuto de silencio inicial en honra das vítimas do accidente aéreo de Colombia.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
