Burela, 12 de decembro de 2016. A concelleira de Medio Ambiente, Noelia Mª Ben, fai unha chamada á colaboración veciñal e empresarial para mellorar a recollida do cartón e de enseres. A edil lémbralles aos veciños e veciñas de Burela que os días establecidos para a retirada do cartón porta a porta son os martes e os xoves e que a xornada establecida para a recollida de enseres é o mércores. Fora deses días non pode haber nada tirado nas rúas da localidade.
A concelleira socialista manifestou esta mañá: “desde a Concellería de Medio Ambiente queremos lembrarlles aos comerciantes que os días de recollida do cartón porta a porta son os martes e os xoves. Fora deses días o cartón non pode quedar tirado na rúa. Estamos a detectar moitos casos deste tipo, xente que deixa o cartón durante toda a semana diante dos seus negocios. Insisto, os días de recollida do cartón son os martes e os xoves. O resto da semana os comerciantes, hostaleiros, etc… deberán dirixirse aos contedores de papel que temos instalados en varios puntos da vila”.
Noelia Mª Ben contou que “o mesmo está a pasar cos enseres. O único día de recollida é os mércores. O que ten que facer a xente é deixar o martes de noite ou o mércores ben cedo eses enseres na rúa, despois de ter solicitado a súa retirada. E nada máis. Os enseres non poden estar días e días tirados na rúa á espera de seren recollidos”.
A edil de Medio Ambiente advirte que “se seguimos así verémonos na obriga de aplicar a normativa correspondente. É dicir teremos que multar a quen estea a incumprir a ordenanza. Non podemos permitir, que por comodidade ou deixadez dalgúns Burela ofreza unha mala imaxe”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
