O Vicepresidente, Álvaro Santos, avanzou este mércores que o Goberno da Deputación, xerou case 2 millóns de euros de beneficios aos gandeiros coa mellora da raza rubia galega. Concretamente son 1,848.000 euros que se acadaron coa venda de novillas que foron recriadas e melloradas na Granxa Gayoso Castro, e posteriormente vendidas. Fíxose ao abeiro do convenio de colaboración que mantén a Deputación e ACRUGA.
Santos Ramos avanzou esta cifra no transcurso dunha rolda de prensa, celebrada en San Marcos, xunto ao Presidente de ACRUGA, Cesar Dorado Pin, onde presentaron a poxa de preto de outras 30 novillas, que se celebrará o día 17 de decembro ás 12:00 horas, na Granxa Gayoso, en Castro de Rei.
O Vicepresidente remarcou a forte aposta do Goberno provincial por mellorar a calidade gandeira da provincia, e convidou a todos os gandeiros que queiran mellorar a súa cabana, a acudir a esta poxa. Explicou que esta é a cuarta que se realiza na Granxa Gayoso Castro organizada por ACRUGA.
Santos Ramos destacou a importancia do sector agrícola e gandeiro na provincia de Lugo. “A Deputación vai seguir impulsando o convenio con ACRUGA, porqué o sector primario foi, é, e seguirá sendo de capital importancia no desenvolvemento da provincia de Lugo”. O Viceportavoz explicou que a meirande parte dos gandeiros de nova incorporación opta pola produción de carne selecta de rubia galega, e avanzou que este tipo de iniciativas son necesarias, tanto pola demandan que teñen, como polo impacto que ten no sector, e noso territorio.
Cesar Dorado Pin agradeceu a colaboración e o esforzo da Deputación de Lugo coa promoción da raza rubia galega. “Coa sinatura do convenio coa Deputación medrou moito esta cabana, tanto dentro como fóra de Galicia, xa que estes exemplares son de elite, e esperemos que poidamos seguir traballando e colaborando conxuntamente para poder seguir mantendo esta raza autóctona”. Avanzou que as novillas que sexan subastadas, tanto preñadas, como non preñadas, contan cunha subvención de Caixa Rural de 200 e 100 euros, respectivamente.
Convenio con ACRUGA
A Deputación ten asinado un convenio de colaboración con ACRUGA dende o ano 2007 para expandir a raza rubia galega. Este acordo permite o coidado a manutención e a exposición nas feiras dos rebaños; selección dos mellores exemplares nas explotacións da raza rubia galega; recría de femias, venta e distribución e promoción e difusión da raza.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
