O Presidente da Deputación, Darío Campos Conde, e o Concelleiro de Desenvolvemento Sostible, Daniel Piñeiro, entregaron este sábado os Premios #INLUGO, no marco do IV Congreso de Cultura Dixital e Redes Sociais INLUGO. Con estes galardóns, o organismo provincial recoñece iniciativas, persoas e organizacións da provincia que fan bo uso da internet, as novas tecnoloxías e as redes sociais. Na edición deste ano presentáronse case corenta candidaturas repartidas en tres categorías:
Comercio, Ocio e Restauración
•GAÑADOR: A Queixería do Campo (http://www.queixeriaprazadocampo.com), resultou gañadora nesta categoría polo bo uso das distintas redes sociais que xetiona (Facebook, Twitter, Instagra, Pinterest e Youtube). Este comercio ofrece distintas variedades de queixos cun denominador común: a calidade. A Queixería propón un percorrido por todas as tipoloxías de queixo máis importantes do noso país, así como Francia, Holanda, Italia e Inglaterra. A Queixería do Campo está situada na Praza do Campo, 6, en Lugo.
•FINALSTAS:
– Faragulla (http://www.faragulla.com) web adicada á venda de obxetos especiais de cociña.
– UVE Laboradorio de Deseño un estudo de deseño que crea espazos totalmente personalizados ó cliente.
Deportes, Cultura e Acción Social
•GAÑADOR: Enfermera Saturada (http://www.enfermerasaturada.es/). Héctor Castiñeira, creador do personaxe Enfermera Saturada. En decembro de 2013 autopublica o seu primeiro libro “A Vida é Soro”. Toda unha viaxe ao mundo da enfermería e os hospitais, onde o humor e as aventuras de Satu no hospital son o fío condutor. O libro cultiva un gran éxito entre o público, sendo o máis vendido ese nadal na internet e manténdose no top 10 durante meses. Case un ano despois, en setembro de 2014, o seu autor ficha pola editorial Praza & Janes (grupo Penguin Random House) e lánzase ao mercado a reedición de “A Vida é Soro” que actualmente vai pola 8ª edición. Todo un bestseller que conquistou a decenas de miles de lectores e situou ao seu autor como un referente a nivel nacional.
•FINALISTAS:
– Lugoslavia (http://lugoslavia.gal/) web adicada á actualidade do CD Lugo (crónicas, entrevistas, reportaxes, material audiovisual…) contando con moita actividade nas súas rede sociais (Facebook, TWitter, Instagram, Flickr e Youtube). Colabora con distintas webs a nivel nacional e dela suxriu a peña do CD Lugo coa que comparte nome.
– CB Breogán Premiada pola sua labor de difusión nas redes sociais e na web da actualidade do club de baloncesto, así como da provincia de Lugo ao ser un referente no deporte a nivel nacional.
Tecnoloxía
•GAÑADOR: funil.gal (www.funil.gal) É unha iniciativa nacida na Facultade de Ciencias do Campus de Lugo, de acceso aberto e gratuíto e que consiste nun laboratorio virtual de química que ofrece novas ferramentas multimedia para o ámbito científico: un libro electrónico de prácticas de laboratorio de química e unha serie de vídeos onde se visualizan dun xeito ameno os procedementos, as técnicas e o desenvolvemento práctico no laboratorio de química xeral. As ferramentas están dispoñibles na rede, conseguindo unha ampla difusión nacional e internacional grazas ó seu canal de Youtube.
•FINALISTAS:
– Mar Castro (http://www.marcastro.es) é unha doutora en comunicación e experta en protocolo de prestixio nacional que da difusión ó seu traballo e publicacións a través da súas redes sociais, web e blog, sempre presumindo de ser lucense.
– Nudoss.com (www.nudoss.com), proxecto lucense que nace da empresa Miramar Cruisses, é a primeira rede social de cruceiros de Europa.
Concurso de fotografía #inlugo16
Así mesmo, tamén se deu a coñecer o gañador do concurso de fotografía #Inlugo16, Saritísima (@srvQueen), co que se buscaba premiar á mellor imaxe da cidade (podendo estar tamén relacionada co congreso) que os asistentes publicaran nas redes sociais co hashtag #inlugo16. A vencedora recibiu un smartphone última xeración.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
