Lugo, 19 de decembro de 2016.- A Consellería de Medio Rural dedicou máis de 904.000 euros ás obras executadas nos concellos da comarca da Mariña a cargo do Plan Marco de mellora de camiños municipais de acceso a explotacións agrarias, que está cofinanciado nun 75% con fondos Feader.
O delegado territorial, José Manuel Balseiro, supervisou hoxe os traballos executados no concello do Vicedo, onde se reparou a estrada do Vilar grazas a unha achega de 57.130 euros. Durante a visita estivo acompañado polo alcalde, Jesús Novo.
Estes traballos supuxeron a mellora dun tramo de máis de 2 quilómetros de lonxitude, no que hai accesos a numerosas fincas dedicadas tanto a pasto como a labradío e tamén a explotación forestal. Así mesmo, conecta as localidades de As Cortellas e O Vilar.
Balseiro salientou que o obxectivo deste plan “é mellorar comunicacións viarias no rural que son indispensables tanto para a comodidade e seguridade dos veciños e veciñas como para o desenvolvemento da actividade económica, xa que son transitadas tamén por vehículos agrícolas e industriais, entre outros”.
En definitiva, sinalou o delegado, a Xunta persegue “mellorar as dotacións tanto de infraestruturas como de servizos básicos para facer do medio rural un entorno atractivo no que residir e traballar para a xente moza”.
Os criterios de repartición para desenvolver o Plan Marco 2016 foron consensuados entre a Xunta e a Federación Galega de Municipios e Provincias (Fegamp) e, establecen, entre outras condicións, que as actuacións propostas deben, cando menos, facilitar o acceso a dúas ou máis parcelas integrantes de explotacións agrarias, favorecer o acceso a montes veciñais en man común ou ben o acceso a parcelas incorporadas ao Banco de Terras de Galicia.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
