No ano 1859 Rosalía escribía o prólogo da súa primeira novela “La hija del mar” no que afirmaba que aínda non lles era permitido ás mulleres escribir o que senten e o que saben; lonxe quedan aqueles días, fresca e louzá a denuncia da poetisa.
Porque o primeiro sufraxio feminino en España ten unha idade inferior á da avoa deste narrador: 83 anos van dende aquel 19 de novembro de 1933 no que nas segundas eleccións xerais da República as españolas puideron exercer o seu dereito a voto abandeiradas pola sufraxista Clara Campoamor.
Non é este un alegato histórico, pero convén non esquecer que todo avance social trae consigo o seu contrapunto: máis de corenta anos (dende o 36 ate o 77) de supresión deste dereito e a identidade xurídica da muller asemellada a un neno ou un incapaz. Despois da ditadura o recoñecemento feminino nos procesos de transformación sociais é semellante á dos represaliados.
Polo medio de todo o relato hai algún episodio emancipador, como o foi a invención da deseñadora británica de modas Marry Quant, na década dos 60 da minisaia, prenda que segue a ser un icono da liberdade estética e sexual.
E chegamos á nosa avanzada sociedade da era dixital e semella totalmente viva a vella diatriba con respecto ós referentes, unha sociedade desmemoriada é incapaz de establecer unha escala de valores con respecto á muller e no tocante a todo o demais.
A retransmisión da gala de noitevella foi a mecha que prendeu o debate: a presentadora Cristina Pedroche conducía a programa de rigor ataviada cunha indumentaria que pretendía non deixar indiferente a ninguén. E non o fixo.
Por razóns individuais, por motivo de share ou audiencia, pola máis pura vangarda estética… as razón polas que cadaquén viste dun xeito ou outro son totalmente alleas ó abaixo firmante; hai quen di, incluso, que o único lei motiv, no marco da liberdade económica, é o crematístico; a estes habería que preguntarlles si a súa liberdade xustifica o traballo infantil ou a venta de órganos ou persoas.
E entre tanto debate estéril, aínda non ben comezado o día 1 de xaneiro, a violencia machista cobrouse a súa primeira vítima mortal no que vai de ano na localidade de Rivas Vaciamadrid. E entre tanto desconcerto confunde aínda máis que unha sociedade indolente sexa incapaz de facer ningún tipo de autocrítica, de asumir algún tipo de responsabilidade, de fixar un nexo causal entre os seus comportamentos cotiáns e a violencia sistémica.
Se voltamos ó tema do escalafón de valores femininos eu propoño un referente autóctono: Susana Rodríguez Gacio, primeira muller galega con menos dun 7% de visión en licenciarse en medicina, tamén diplomada en fisioterapia, engade ó seu curriculum a súa carreira deportiva na que gañou o campionato de Europa de paratriatlón e foi medalla de bronce no Mundial.
Porque, no fondo, pode que se trate diso: non de xulgar a a ninguén, senón de fixar referentes. De non esquecer a Clara Campoamor ou Federica Montseny; porque xa o dicía a canción de Sabina, quen puidera rir como choraba
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
