Dende o 1 de febreiro ata o 2 de marzo, seis alumnos do IES de Foz desprazaránse a Potenza (Basilicata) en Italia para realizar un periodo de prácticas en empresas da cidade.
Esta mobilidade está enmarcada dentro da beca de alumnado Erasmus + do programa KA102 “Abrindo oportunidades”, concedido ao instituto no mes de xuño.
Trátase dun grupo de seis alumnos recén titulados, dos Ciclos Medios de Cociña e Gastronomía e Servizos de Restauración. En Italia realizarán prácticas de cociña e servizo en restaurantes típicos da rexión onde poderán aprender as técnicas propias da cociña italiana e coñecer de cerca o produto do país.
Dispoñen dunha beca de 275 euros para desprazamento e 1156 euros para a estadía. O obxectivo desta actividade é principalmente o de aumentar a súa empregabilidade e mellorar as súas perspectivas profesionais, ademais de mellorar a autocapacitación e autoestima, os coñecementos de lingua italiana e ampliar a súa concienciación intercultural.
Alumnos Erasmus do IES de Foz
Relacionado
-
Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
-
Éxito de participación nas escolas deportivas de verán do Concello de Ribadeo
-
A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
