Lugo, 1 de febreiro de 2017.- A Consellería do Medio Rural apoiou ao 280 titulares de explotacións agrarias lucenses achegando axudas que superan os 16 millóns de euros, destinadas a modernizar as súas producións a través dos plans de mellora. Dáse a circunstancia de que a provincia de Lugo recibe case a metade destas axudas, o 45% do total de Galicia, que foron 36 millóns de euros.
Así o explicou esta mañá o delegado territorial da Xunta, José Manuel Balseiro, quen indicou que os beneficiarios son agricultores, gandeiros e produtores avícolas de 47 concellos lucenses que reciben unha axuda media que supera os 58.000 euros que poderán destinar a financiar os investimentos materiais e inmateriais que supoñan unha mellora do rendemento global ou a viabilidade da súa explotación
Esta mesma liña de axudas permitiu apoiar un investimento que supera os 29 millóns de euros que se comprometen a executar os beneficiarios nos concellos lucenses e que suporá a posta en marcha de iniciativas tan diversas como a compra de nova maquinaria, gastos para a elaboración de proxectos técnicos de construción ou reforma das explotacións, permisos, licenzas, plantación e mellora de cultivos, a compra de terreos e adquisición ou desenvolvemento de programas informáticos
No que respecta á provincia de Lugo, os plans de mellora beneficiaron a 170 sociedades agrarias ou cooperativas, 79 homes e 31 mulleres.
“Estas achegas teñen como obxectivo fundamental dinamizar o tecido económico e social do agro, fomentando a remuda xeracional nas explotacións e procurando a súa maior competitividade, a través de diversas melloras na súa xestión”, afirmou o delegado.
O importe da axuda oscila entre o 40 por cento e o 70 por cento, en función do investimento e doutros criterios como o territorial, a idade do agricultor e o tipo de explotación, primando as ecolóxicas.
Cómpre sinalar tamén que as axudas recibidas por este concepto son as maiores desde o ano 2011. De feito, tamén foi moi significativo o incremento desde o último ano da convocatoria, que foi o 2014, tanto en número de expedientes como de axuda concedida, ao pasar de 49 expedientes a 280 e de 2,2 millóns de euros aos 16,2 millóns de euros actuais.
As subvencións descritas están cofinanciadas nun 7,50% pola Administración xeral do Estado, nun 17,50% pola Xunta de Galicia e nun 75% polo fondo Feader, no marco do Programa de desenvolvemento rural (PDR) de Galicia 2014-2020.
Balseiro aproveitou para destacar a forte e decidida aposta da Xunta polo mundo rural e as persoas que viven nel. Ao respecto, sinalou que aínda “queda moito por avanzar e por conquistar no rural: Hai que seguir creando máis emprego, apoiando ás familias para que aposten polo rural para vivir, incrementando os servizos públicos, avanzando na innovación e modernizando as instalacións”.
“E para iso -engadiu- haberá axudas como as que acabamos de describir, cero impostos para calquera que queira emprender no rural, cero impostos para os mozos que queiran vivir no rural e 100 por cento de compromiso para impulsar o rural”.
O dirixente territorial tamén indicou que está próxima a vindeira convocatoria de axudas para o sector, que se publicará neste mes de febreiro no Diario Oficial de Galicia e contará cun orzamento total de 65 millóns de euros. Para as axudas de plans de mellora a contía será de 40 millóns, para incorporación de mozos será de 20 millóns e para pequenas explotacións de 5 millóns de euros.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
