LUGO .- O Deputado de Infraestruturas, Manuel Martínez, informou este luns das actuacións levadas a cabo na rede viaria provincial para atender as incidencias ocasionadas pola primeira nevada iniciada no día de onte. En total atendéronse 8 incidencias que corresponderon fundamentalmente á retirada de neve das estradas da Deputación que corresponden ás seguintes zonas: 8, formada polos Concellos da Fonsagrada, Negueira de Muñiz e Navia de Suarna; 9 por Cervantes e Pedrafita do Cebreiro; e, zona 10, por Folgoso do Courel, Incio, Samos, Triacastela, Quiroga, Ribas do Sil.
O responsable do departamento de Vías e Obras do organismo provincial subliñou que “as incidencias foron 8, moi poucas. Todas elas de retirada de neve. Nestes momentos están traballando na zona de Becerreá, Samos Incio, Pedrafita, Cervantes e Fonsagrada”.
A Deputación puxo en marcha un dispositivo formado por 36 vehículos, entre os que destacan 1 camión e 2 tractores cuña, 6 todoterreos con cuña, 8 tractores e 5 camións con cuchilla, 2 palas retro-mixtas, e ducias de operarios. En todas as estradas esparcíronse uns 40 quilos de sal.
Un amplo dispositivo
De cara a todo o inverno, a Deputación ten un amplo dispositivo para atender as incidencias que poidan xurdir nas vías provinciais ó longo do inverno. Este dispositivo está formado por 110 operarios e 160 vehículos. Tal e como adiantou o Deputado responsable destas actuacións, xa se compraron 800 toneladas de sal, repartidas en 14 saleiros distribuídos por toda a provincia, “e estamos en condicións de que, no caso que se necesiten, se nos sirvan por parte da empresa subministradora nun prazo de 24 horas”.
Neste senso subliñou que “hai aproximadamente 15 días ratificouse todo o operativo que temos previsto para os vindeiros meses. Despois da experiencia do ano pasado que pasamos con notable éxito onde tivemos 3 meses de temporal seguidos, neste ano xogamos con avantaxa porque unha vez adxudicada a Conservación no mes de maio, o primeiro que se deu orde foi limpar todas as estradas da Deputación e retirar os árbores que quedaban”. A este respecto, indicou que “todo iso limpouse nos meses de verán e procedeuse a un rebacheo con gravilla solta de todas as estradas que tiñan deficiencias. O estado en xeral das estradas agora é bo e continuamos a renovar con aglomerado en quente as vías”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
