Barreiros 2-2-17. O conxunto barreirense reforza o seu plantel de cara á segunda parte da tempada.
Logo de competir case toda a primeira volta con escasez de efectivos, os barreirenses veñen de dar a alta a dous xogadores de garantías.
Gabriel Costa Pose (25/06/1993) máis coñecido no mundo do fútbol sala como “Xoia”, chega a Barreiros para darlle un salto de calidade ó equipo, trátase dun xogador zurdo con pegada, habilidoso no un contra un, e caracterizado pola súa competitividade. Ós seus 23 anos conta xa cun dilatado curriculum deportivo, tralo seu paso por conxuntos como o Porto Celeiro F.S, Burela F.S e Cidade de Viveiro F.S.
Por outro lado David Fernández Fernández (18/08/1992) é un xogador burelés que destaca pola súa visión de xogo e polo seu derroche defensivo, ademáis atesora unha pegada importante na súa perna dereita. David é un canteirán do Burela F.S que pasou por todas as categorías do conxunto laranxa ata xuvenís.
O Praias de Barreiros ven de empatar na última xornada ante o Culleredo F.S (1-1) un dos conxuntos máis fortes da categoría, nun partido moi completo dos pupilos do novo adestrador, Juan Antonio Fernández. Este sábado (18.30 horas) recibirán ó Alameda Xarío no Pavillón Municipal, un partido no que o adestrador ribadense xa case poderá contar coa totalidade do plantel, agás Ayala que será baixa.
Por outro lado os de Barreiros recuperan dous xogadores importantes que se atopaban de baixa por lesión: David, porteiro que levaba 3 meses de baixa por mor dunha lesión na rodilla dereita, e Borja que tras dous meses de baixa por unha rotura no aductor esquerdo foi dado de alta esta semana.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
