Ribadeo, 10 de febreiro de 2017. O Concello demolerá o último edificio das antigas vivendas de profesores, que se atopa situado a carón da nova residencia de maiores. Ese espazo destinarase a zona verde e a lugar de lecer para os residentes, segundo explicou hoxe o alcalde, Fernando Suárez. O BOP publica hoxe o procedemento aberto para levar adiante ese proxecto ao que se destinarán 73.000 euros.
O rexedor dixo que “no día de hoxe damos un novo paso importante na consecución dunha residencia de maiores como na que estamos traballando desde hai un tempo aquí en Ribadeo. Hoxe sae publicado no Boletín Oficial da Provincia de Lugo este anuncio dun proxecto de demolición do edificio que resta das antigas vivendas de profesores, o último que quedaba en pé e que sacamos a licitación para a súa demolición”.
Fernando Suárez explicou que “ímolo demoler porque se ben nun primeiro momento, cando iniciábamos a construción da residencia alí ao pé, pensábamos que esta vivenda que quedaba dos anos 50 máis ou menos, se podía dedicar a outras cousas con fins sociais, o certo é que unha vez que fomos rematando a residencia, vimos que a calidade urbanística, a calidade da edificación vella se atopaba moi deteriorada, e non se adapta tampouco a ningunha das normativas vixentes de habitabilidade”.
O alcalde ribadense lembrou que “estimamos conveniente, e ademais atendemos a unha reclamación da plataforma a favor da residencia que formamos todos os grupos da Corporación, agás o PP porque se quixo ir no seu momento, e tamén polas asociacións de veciños do concello. Vimos que era mellor demoler esa vivenda e aproveitar toda esta superficie da parcela libre para mellorar a zona verde e de paseo da xente que vai residir na residencia de maiores”.
Suárez Barcia declarou que “ademais da demolición pretendemos realizar todo o peche do perímetro de toda esa parcela, no límite coa beirarrúa existente, e ao mesmo tempo unila na parcela onde se atopa o novo centro para persoas maiores. E ao mesmo tempo queremos colocar unha serie de varandas naquelas zonas onde existan pendentes no chan, así como dotar aos novos paseos que rodean duns parterres, unha serie de actuacións urbanísticas adecuadas e acordes para que a xente que resida alí, esperemos que dentro de non moito, teña un lugar apropiado e moi agradable para vivir os últimos anos da súa vida”.
O alcalde engadiu que “este proxecto que financiamos con fondos municipais e tamén con fondos da Deputación Provincial de Lugo ascende na licitación a uns 73.000 euros. Vai de maneira aberta, co cal todas as empresas que queiran participar teñen no Boletín Oficial da Provincia toda a información necesaria para ver o proxecto e para facer a mellor oferta posible”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
