Xove, 13 de febreiro de 2017. Aciam Xove valora de xeito moi positivo os resultados acadados na primeira edición de Agora Xove, que tivo lugar durante a pasada fin de semana na localidade. Arredor de 4.000 visitantes pasaron polo recinto feiral durante o sábado e o domingo, e sobre 800 persoas asistiron ao desfile de moda co que se pechou o evento. Os comerciantes estudarán nunha xuntanza que manterán co alcalde, Demetrio Salgueiro, a periodicidade coa que se celebrará esta feira.
O presidente de Aciam, Juan Carlos López, fai unha valoración moi positiva de Agora Xove: “estamos encantados de como saíu todo, mellor imposible, aínda que o tempo non nos acompañou, pero ao final non influíu nin o tempo. Tivemos un éxito total, creo que quedou o listón moi alto para poder melloralo noutras vindeiras ocasións, pero haberá que tentar sempre ir mellorando pouco a pouco”.
Sobre a periodicidade de Agora Xove López manifestou que “temos aínda dúbidas de cómo imos facelo se anual ou bianual porque temos que sentarnos a valorar o que se pode mellorar. Sempre tentaremos valorar o que é o evento globalizado e melloralo no que se poida. Se decidimos bianual ou anual está por ver, teremos que sentarnos a falalo. Temos reunións previstas para xa porque temos que deixalo zanxado. Temos que sentarnos todos xunto co alcalde e decidir qué imos facer”.
Sobre o número de visitantes nesta primeira edición de Agora Xove para o presidente de Aciam “dar un número sempre é difícil, pero nós por estimacións que puidemos facer, cremos que entre o sábado e o domingo pasaron máis de 4.000 persoas. Unha cifra creo que realmente moi grande, impresionante. Onte no desfile de moda estaba o polideportivo onde se celebrou cunhas 700 ou 800 persoas, non cabían máis. E despois a xente que aínda estaba na carpa nos stands, durante todo o día foi un goteo constante de xente e iso que o tempo peor imposible”.
Juan Carlos López cre que “se superaron con creces as expectativas que tíñamos postas, aínda que sempre cando traballas moito e pos moito empeño queres que as cousas salgan ben, porque as fixeches con moito cariño e moito esforzo, pero a pesar de todo nosoutros nunca chegamos a pensar que podíamos ter tanta xente. Foi un éxito total”.
O presidente dos comerciantes xovenses comentou que “todos os stands que montamos aquí por comentarios que estivemos recollendo onte a noite despois de que acabou a feira, todos estaban moi contentos. Todo o mundo fixo as súas operacións, posibles vendas e acordos que se fixeron con posibles clientes. É do que se trataba, mostrar á empresa, publicitala, darlle unha imaxe e que a xente vexa que Xove ten moita empresa e moita industria”.
Juan Carlos López quere “dar as grazas a todos, e a Roberto Vilar porque con nós portase sempre de dez, é un embaixador estupendo, sempre nos bota unha mao, axúdanos, e está encantado de ser de Xove, como dixo no seu discurso de inauguración da feira”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
