A Mariña, 1 de marzo de 2017. O Bloque Nacionalista Galego rexistrou no día de onte no Parlamento de Galiza varias preguntas para a súa contestación por escrito e en comisión a respecto do cumprimento do acordo adoptado hai dous meses para a creación dunha praza de enfermería oncolóxica no Hospital da Costa.
“O día 22 de decembro de 2016 a Comisión 5ª de Sanidade, Política Social e Emprego do Parlamento de Galiza aprobaba unha proposición non de lei promovida polo Partido Popular na que se instaba á Xunta de Galiza a impulsar a creación dunha consulta especializada de enfermaría oncolóxica no Hospital da Costa de Burela para complementar a prestación asistencial de novo hospital de día de oncohematoloxía posto en marcha na pasada lexislatura neste centro e que está a contribuír dun modo altamente eficaz á mellora de atención, tratamento e calidade de vida dos enfermos de cancro”, explica a portavoz de sanidade do BNG, Montse Prado.
Xa naquel momento o BNG amosouse crítico por entender que se estaba a utilizar unha cuestión tan sensible como a necesidade de persoal e medios no servizo de oncoloxía do Hospital da Costa para autobombo e propaganda do Partido Popular, ademais de calificar a proposta como pouco ambiciosa e solicitar que a dotación de medios fose maior.
“Lamentablemente, dous meses despois vén a confirmarse o que desde o BNG xa imaxinábamos polo xeito de actuar nesta cuestión. O Partido Popular e o seu deputado da Mariña, Daniel Vega e o delegado da Xunta, José Manuel Balseiro utilizaron un tema tan sensible como a área de oncoloxía do Hospital para a súa gloria persoal e a propaganda barata do seu partido”, asegura a responsable comarcal Ana Ermida.
“Desde o BNG queremos saber que pasa con esa prometida praza e que se poña xa en funcionamento. Que deixen de xogar con un tema tan importante como a saúde da xente e que aposten claramente pola sanidade pública e polo Hospital da Costa”, afirma, “Se de verdade queren reforzar o servizo de oncoloxía, que tan necesario é, que o fagan; pero que o fagan efectivo e sen propaganda. O que precisamos na Mariña é un hospital con todos os medios para atender á xente. De anuncios sobre o hospital xa estamos fartas”, conclúen desde a formación nacionalista.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
