Ribadeo, 1 de marzo de 2017. A IV Media Maratón Ribadeo-As Catedrais terá lugar o 16 de setembro ás 17:30 horas. Serán os corredores os que decidan a través dunha enquisa en facebook o sentido da carreira, Ribadeo-As Catedrais ou As Catedrais-Ribadeo, segundo deron a coñecer este mediodía no Concello o edil de Deportes, David Rivas, o alcalde, Fernando Suárez, e o técnico municipal de Deportes, Iván López.
O concelleiro de Deportes explicou que “o 16 de setembro ás cinco e media da tarde sairá a cuarta edición da media maratón Ribadeo-As Catedrais, unha proba que vai medrando ano tras ano en participación e que está converténdose nunha cita fixa para moitas persoas afeccionadas ao deporte do atletismo”.
David Rivas subliñou que “este ano, para seguir medrando organizativamente e despois de escoitar moitas opinións de sectores da poboación solicitándonos que cambiásemos o sentido da proba para que empece na praia das Catedrais e remate en Ribadeo, decidimos telo en consideración pero non facelo nós directamente, senón que pensamos que un cambio así deben de ser as propias persoas participantes e do público as que o decidan. Entón a partir de hoxe e ata o día 15 está aberta unha enquisa na páxina de facebook da media maratón As Catedrais na cal todas as persoas que o desexen poderán votar a favor de facer a carreira nun sentido ou noutro; e o resultado que gañe obviamente será o percorrido que se levará a cabo ese día 16 de setembro”.
O edil nacionalista engadiu que “tamén queremos anunciar que, ao igual que o ano pasado, El Progreso vai ser o xornal oficial da carreira e queremos, xa de antemán, agradecer a todas as persoas voluntarias que están ese día desde pola mañá en todos os puntos de avituallamento e en todos os cruces esa labor importantísima sen a cal a carreira non tería o éxito organizativo que normalmente ten”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
