Mondoñedo (Lugo), 9 de marzo de 2017.- O conselleiro de Economía, Emprego e Industria, Francisco Conde, sinalou hoxe no espazo coworking de Mondoñedo que os emprendedores son o motor do cambio do tecido empresarial galego. Conde participou na localidade lucense no Demoday no que se presentaron os 16 proxectos desenvoltos por unha vintena de empredendores que participaron na aceleradora, centrados en eidos como o turismo sostible, a construción, as TIC, o comercio, o deseño ou a moda.
O espazo coworking en Mondoñedo é un dos sete que a Consellería de Economía, Emprego e Industria, coa colaboración da Escuela de Organización Industrial (EOI), puxo en marcha o ano pasado para ser a lanzadeira en Galicia de 139 emprendedoras e emprendedoras, que presentaron un total de 119 proxectos. O prazo da segunda convocatoria desta iniciativa xa está aberto, e poderán presentar a súa solicitude aquelas persoas que queiran beneficiarse deste programa de asesoramento.
Tal e como sinalou Conde, os espazos coworking forman parte dunha rede de aceleradoras que se entende por toda Galicia e na que a Xunta leva investidos 12 millóns de euros para impulsar máis de 500 proxectos nos últimos catro anos. Nesta rede de aceleradoras destacan iniciativas como Agrobiotech, con base en Lugo e Ourense; Vía Galicia, con sede tamén na provincia; ou a Business Factory Auto.
Conde fixo fincapé así mesmo en que a aceleradora de Mondoñedo é un claro exemplo de que no rural tamén existen oportunidades de emprendemento. Isto estase a fomentar co programa Galicia Rural Emprende, co que se activan axudas de ata 70.000 euros para a creación de empresas fóra do sector agrícola; aumentando nun 25% os incentivos á contratación para as empresas deste ámbito territorial; e a través de obradoiros de emprego e cursos para incentivar a formación en sectores como o forestal, coa colaboración dos concellos, entre outras iniciativas.
Salientou o conselleiro que a Xunta busca “achegar aos emprendedores todas as facilidades”, apuntando a medidas como a eliminación da licenza previa para abrir un negocio; a Unidade Galicia Emprende, para informar dos recursos ao alcance dos emprendedores; ou a Oficina Doing Business, para axilizar a tramitación administrativa; ademais das deducións fiscais e os diferentes instrumentos financeiros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
