A Mariña, 16 de marzo de 2017. O Bloque Nacionalista Galego vén de rexistrar no Parlamento unha iniciativa para que a Xunta reclame a Fomento os investimentos precisos para garantir un servizo ferroviario de ancho métrico (RENFE-FEVE) no territorio galego e se melloren tanto estacións, como materiais rodantes, apeadeiros, vías; así como que se incremente o persoal das liñas. Igualmente, desde a formación nacionalista reclaman que se transfira este servizo a Galiza para facer unha xestión do mesmo adaptada ás necesidades do territorio e das persoas.
Esta iniciativa vén sumarse á campaña iniciada xa hai varias semanas simultaneamente nas comarcas da Mariña e Ferrolterra facendo presentacións públicas, levando mocións aos concellos e recollendo sinaturas para reclamar as melloras precisas.
A responsable comarcal do BNG, Ana Ermida, sinala que “as novas aparecidas sobre supresión de servizos e traslados de pasaxeiros en taxis ou autobuses non veñen máis que a confirmar o que desde o BNG levamos tempo denunciando: unha auténtica estratexia para desmantelar o servizo do tren e deixar a nosa comarca incomunicada tamén por vía férrea.”
“Non podemos permitir que sigan ríndose de nós e sacándonos servizos cada día. Temos un tren que podería actuar como vertebrador da comarca, xa que non se pode facer por estrada, e o que se fai desde o goberno do Estado é investir cada ano menos cartos -como demostra a reducción de 12,5 millóns en 2017- e deixalo morrer, contribuíndo desde Fomento con este tipo de actuacións.”
Como exemplos palpables, desde o BNG aportan varios datos referidos ao ano 2016 no que aseguran que “se levaron a cabo perto de 600 supresións de servizos en Galiza, así coma retrasos continuados, vías e infraestruturas en mal estado –estacións, apeadeiros, varandas ou pasos- e iso sen contar coa calidade do material rodante que circula no territorio galego.”
Así, a responsábel comarcal asegura que “sabemos que os dados de ocupación que se poidan tirar de calquera estudio elaborado ou encargado desde o Ministerio de Fomento e/ou a Xunta de Galiza non poden ser bos, en boa medida pola errática ou inexistente política comercial e de horarios e servizos que non responden ás necesidades de mobilidade das persoas ou mercadorías. Tanto é así que estamos a ser testemuñas de cousas tan absurdas como colocar nas estacións un número de teléfono de contacto, con sede en Asturias, ao que chamar para solicitar transporte alternativo, no caso de que o tren se retrasase en máis de 15 minutos.”
“Unha fotografía que se repite se falamos do transporte de mercadorías, onde no pasado ano 2016 sufriu recortes nos servizos que levou na práctica á súa desaparición. Así pois, compañías como Alcoa na súa planta de San Cibrao, onde diariamente unhas 350 toneladas de placa de aluminio saen cara a Amorebieta; ou o mesmo o transposte de madeira, que chegou a mover 36.000 toneladas ao ano, son as grandes perxudicadas levando a facer o transporte por estrada, con todo o que eso supón nunha comarca como a nosa na que as infraestruturas por estradas son por vías totalmente obsoletas e nun estado lamentable, como a N642.”
Desde o Bloque Nacionalista Galego sinalan que a súa formación non vai quedar calada fronte a estas novas e que aseguran que “continuaremos a reclamar, como levamos facendo anos, que se garantan os investimentos e con iso a recuperación do servizo xunto coa transferencia da súa xestión para poder garantir a vertebración do territorio e o servizo de transporte de persoas e mercadorías que Galiza precisa.”
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
