Foz, 21 de marzo de 2017. Vamos a ser claras, unha vez máis, con vostede, señor alcalde, e máis co resto da veciñanza porque cremos que é de recibo explicarlles ben por que agora se vai retirar das arcas municipais, cartos de todos e todas, máis dun millón de euros.
O alcalde, neste caso vostede, señor Castiñeira, é o órgano executivo do concello, polo tanto é a súa responsabilidade, e solo súa, a execución da sentenza.
Se fai uso desta responsabilidade en solitario, como así fixo cando decidiu non recurrir a sentenza ante o Tribunal, entón non nos faga “cómplices” ao resto da corporación da decisión que se debe tomar agora para poder afrontar esta sentenza millonaria.
O Pleno e as concelleiras e concelleiros da corporación temos a responsabilidade de apoiar ou non un orzamento, decidir sobre a presentación, as modificacións de crédito, etc, pero non de executar sentenzas. É, polo tanto, o alcalde quen debe propoñer as solucións e somos nós quen responsablemente valoraremos todo no seu conxunto e segundo os trámites legais apoiaremos ou non, como fixemos até o de agora.
O BNG votou dúas veces en contra da proposta popular de actualización de taxas polo simple feito de que non viñan debidamente xustificadas e así o advertían os técnicos municipais.
E é ben certo que tamén nos opuxemos a ese pacto coa empresa Gestagua que vostede menciona porque supoñía que o Concello achantase coa débeda que eles presentaban a cambio de non ir ao xulgado e que tamén viña informada negativamente por parte dos servizos técnicos do concello con calificativos como “pouco claro” e mesmo “abusivo”. Evidentemente nunca imos estar de acordo con isto, porque seguimos sen saber se a empresa cumpre coa súa parte do contrato e porque o máis seguro é que ese pacto levase da man unha ampliación de contrato privado que nós non queremos para o noso concello, xa que como ben sabe sempre defendimos a municipalización.
Así que, como conclusión, non defendemos nin defenderemos nunca a privatización do servizo de abastecemento e depuración de augas, queremos coñecer a débeda que a empresa ten cos veciños e queremos que sexan os responsables desta situación quen propoñan as solucións legais adecuadas.
Lorena Seivane
Teresa Rego
Voceiras do BNG de Foz
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
