Lugo, 23 de marzo de 2017.- A voceira do Grupo Provincial do PP, Elena Candia, valora que despois de dez anos de Goberno socialista na Deputación de Lugo o equipo de Goberno empece a acertar “só cando está en minoría”. Así, agradece que o equipo de Goberno se vira obrigado a escoitar á oposición, o que trouxo consigo a aprobación dun plan único de cooperación cos concellos que reforce a súa autonomía e responsabilidade dándolle sentido ao cometido que deben ter as Deputacións Provinciais.
“Ponse de manifesto o que este partido viña denunciando, que vivimos dez anos de desgoberno no que primaba a desigualdade no reparto dos fondos públicos e agora que se atopan en minoría é cando eses desequilibrios empezan a remitir”, analiza a popular.
“A oposición coas súas achegas obrigounos a modificar a súa postura e por iso agora se logra un reparto máis equilibrado dos fondos públicos que van destinados aos concellos da provincia”, engade.
Desde o Grupo Provincial do PP insisten en que o acordo acadado no pasado Pleno non supón un cheque en branco, senón un paso máis na defensa da autonomía local. Así, a voceira do PP avanza que intentarán que algúns límites dos incluídos nese plan se eliminen o flexibilicen para avanzar aínda máis nese reparto equilibrado dos fondos.
Desde o PP estiman o cambio de política que se está a producir na Deputación de Lugo, grazas á unha maior participación da oposición nas decisións que se toman desde o Goberno en minoría. “Só acerta cando escoita á oposición e seguiremos traballando para que siga por ese camiño e esta institución faga o que lle corresponde e goberne para todos”, subliña.
Chamamento á unidade
En relación coa proposta de modificación do regulamento orgánico que o PP defenderá no Pleno extraordinario do vindeiro luns a voceira do Grupo Provincial Popular fai un chamamento ao resto dos grupos para poder negociar o texto definitivo e que sexa aprobado por unanimidade. “Agradecemos a PSOE e BNG que nos fagan chegar as súas achegas para poder acadar un documento consensuado”, explica.
Desde o PP insisten na necesidade dunha modificación no regulamento, posto que o vixente foi quedando obsoleto pola concorrencia de cambios normativos e sociais, entre eles a adaptación ás modificación da lexislación de procedemento administrativo, en especial sobre a entrada en vigor da Lei de transparencia ou dos textos que regulan a administración electrónica, entre outros.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
