Cervo, 05 de abril de 2017.- O alcalde de Cervo, Alfonso Villares e as edís de Cultura e Turismo, Dolores García Caramés, e Manuela Méndez, respectivamente, presentaron o programa da Semana Santa Cultural do municipio.
Unha axenda que se inaugurará este mesmo sábado co concerto do recoñecido arpista e músico polivalente Rodrigo Romaní, integrante durante máis de vinte anos do Grupo Milladoiro e que a partir do ano 2000 comezou a publicar discos en solitario.
A día de hoxe ten no mercado tres traballos: Albeida (2000), Cantos Caucanos (2003) e As arpas de Breogán (2012), e nestes intres está a preparar un novo disco que avanzará en primicia neste concerto.
Ademais, tal e como sinalou Caramés, “ao longo da semana proxectaremos películas para todos os públicos. Este mesmo domingo, por exemplo, será a quenda do filme a Praia dos Afogados, ás 20:00 horas”. Unha cinta galega de drama e suspense dirixida por Gerardo Herrero, adaptación da novela homónima do escritor Domingo Villar.
O martes , 11 de abril, ás 19:00 horas, na Casa da Cultura, e dirixida a un público infantil e xuvenil, proxectarase o filme Maimiño e o Espello Máxico, nomeada á mellor película de animación nos premios Goya 2016.
O sábado, 15 de abril, será a quenda do película Mustang, dirixida a un público xuvenil, na Casa da Cultura, ás 18:30 horas, nomeada á mellor película de fala non inglesa nos Globos de Ouro e nos Óscar de 2015.
Tamén programamos unha actividade que chamamos Enredos de Semana Santa, que será en horario de mañá, os días 10, 11 e 12 de abril, que comprende manualidades, xogos e un obradoiro de cociña para os nenos de infantil e primaria.
E unha novidade que nos gustaría destacar -engadiu-, e que cremos que vai gustar moito, é o obradoiro de drons, que terá lugar o luns, 10 de abril no Pavillón da Veiga en horario de tarde. A inscrición está aberta a partir dos 12 anos de idade e ata os 25. Os interesados en anotarse deben enviar un whatsapp ao teléfono 691656600, ou un correo electrónico a dinamización@concellodecervo.com.
Os inscritos poderán asistir a un espectáculo de pilotaxe e simulación de voo con gafas para cada participante, e ver en primeira persoa como funcionan os drons, tan de moda e con tantas aplicación a día de hoxe”.
O humor será outra peza importante na Semana Santa Cultural de Cervo, co espectáculo Premios Darwin, de Carmen Conde, o mércores 12 de abril, ás 20:00 horas; e o venres, á mesma hora, viviremos outra tarde de risas aseguradas coa recoñecida humorista galega, Isabel Risco, que traerá a Cervo o seu espectáculo Nabiza girl.
Villares quixo destacar que “se traballou na programación dunha axenda completa e variada coa que pretendemos chegar a todos os públicos, para que veciños e visitantes poidan gozar de actividades de ocio ao longo de todo esta período de lecer, e tamén co obxectivo de facilitarles ás familias do municipio diferentes alternativas para conciliar, na medida do posible, a vida familiar e laboral neste días festivos”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
