Ribadeo, 5 de abril de 2017. O Concello levará a cabo obras de acondicionamento na rúa peonil das vivendas do grupo Francisco Iglesias, no barrio do Xardín. O orzamento que ascende a 28.000 euros, é financiado con fondos municipais. As empresas interesadas poden presentar as súas ofertas desde hoxe, data na que sae publicado o anuncio no BOP.
O alcalde, Fernando Suárez, comunicou que “sae hoxe publicado no Boletín Oficial da Provincia de Lugo, este anuncio que facemos desde o Concello desta oferta de licitación dunhas obras de acondicionamento da rúa peonil do grupo Francisco Iglesias, no barrio urbano do Xardín”.
O rexedor ribadense salientou que “se trata de levar adiante unha actuación moi necesaria dado que este viario estaba moi deteriorado, estaba feito practicamente dos anos 60, nunca se lle tocou e tiña graves problemas de estabilidade e de estrutura. Imos renovalo integramente, incluído con todos os servizos que leva por debaixo, importando a actuación un total de 28.141euros, que van saír a licitación pública co único criterio de adxudicación ao prezo máis baixo. Para iso todas as empresas ou profesionais interesados teñen 26 días naturais desde hoxe para facer a súa oferta”.
Suárez Barcia entende “todo isto como unha primeira fase dunha actuación moito máis ambiciosa que pretendemos continuar en toda esta zona onde está a Escola Oficial de Idiomas, o parque dos Canapés, etc… Para esta segunda fase xa temos tamén un proxecto redactado con máis importe loxicamente, e tamén temos solicitado unha pequena axuda na Xunta de Galicia. A ver se o teñen a ben e poden colaborar, algo que sería moi bo”.
O alcalde engadiu que “mentres tanto nós seguimos con esta primeira actuación que sufragamos integramente con fondos propios, con fondos municipais”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
